"حیدر_بابایی" 
گرایلی
هامی بیر بیر بوردان گئدیر
قاپ قارانلیق  قالیر اوتاق
ایچریمده یووا قویور
نئچه بوجوک نئچه قورداق

هی چوخالیب هی یئییرلر
اورگیمی گوزلریمی
نئچه سی چئینه ییب سیلیر
بینیمده کی سوزلریمی

توپراقین آلتیندان چیخیب
سئرچه لره یئم اولورلار
سوکولور منده من لیگیم
آرزولاریم داغلیرلار

هر نه ییمی آپاریرلار
دیمدیگینده اوچان قوشلار
سپه لیرلر گویدن یئره
من لن دولور داغلار داشلار

بهار گلیر گویه ریرم
باغ بره نین سینه سینده
شعریم جوشوب سسله نیری
بولبول لرین نغمه سین ده

او آغاجین بوداقین دا
پاریلدایان آلما منم
بودره نین اوزرینده
سنبول له نن بوغدا منم

چیغاردیریق بو کوینه گی
یئنی رنگی لن یاشیریق
یئنی کوینک یئنی آدلا
طبیعته قاریشیریق

https://t.me/Adabiyyatsevanlar