رقیه_عبدیلی_سازاق

من کوسمک ایسته‌ییرم
منه کوسمک اؤیره‌دین

منه کوسمک اؤیره‌دین
کین کودرتی اولماسین
ائله کوسمک اؤیره‌دین
کوسوم رنگیم سولماسین

منه کوسمک اؤیره‌دین
کوسدویوم‌له دانیشیم
کوسنلرین ایچینده
هئچ اولماسین تانیشیم

منه کوسمک اؤیره‌دین
کوسدویوم آغلاتماسین
کوسولو اولاندا دا
قلبیم اونو آتماسین

دینیب دانیشدیرماسام
باریشمامیش یاتماسین
اوره‌ییمی دینله سین
دیل دییه‌نه قاتماسین

گئچمیشین بایاتلارین
بو کوسمه‌یه قاتماسین

منه کوسمک اؤیره‌دین
کوسوم کین‌سیز کودرت‌سیز
کوسولوک بازارین‌دا
بساط دوزولسون دردسیز

کوسمه‌ییمین آنلامی
اولسون سئویرم سنی
کوسنده آنلایاسان
آتا بیلمزسن منی

https://t.me/Adabiyyatsevanlar