تولکو، تولکو غویروغوم ، 
ندیر منه بویروغون؟
قاری دئدی : 
ــ تئز اول اوزویون طیلسیمینی سؤیله ! 
قارا اجیننه کَکَلَیَه ـ کَکَلَیَه دئدی : 
فیل – فیلی ، فیلین ، فیلی ، 
دول ـ دولو ، دولون ، دولو ، 
گول ـ کولو ، گولون ، گولو ، 
بیل – بیلی ، بیلین ، بیلی !    
طیلسیمین سؤزلری قارا اجیننه نین آغزیندان چیخان کیمی ، کوپه گیرن قاری همین سؤزلری تکرار ائدیب دئدی : 
ــ  بو ساعات احمدین سئحرلی خالچاسینی . شاهانه نی سندن ایسته ییرم . 
گؤی گورولدادی ، ایلدیریم چاخدی ، خالچا و شاهانه کوپ قاریسینین یانیندا حاضیر اولدو . 
قارا اجیننه باش اَیَرَک دئدی : 
ــ ای اوزوک صاحیبی ، داها نه امرین وار ؟ 
کوپه گیرن قاری غضبله دئدی : 
ــ بو ساعات احمدین آیاقلارینی داشا دؤندر ! بیزی خالچانین اوستونده ، بوسارایلا بیرلیکده  جیم ـ سیم شاهین یانینا آپار .
*‌‌**  
یئنه گؤی گورلادی ، ایلدیریم چاخدی . شاهانه ایله کوپه گیرن قاری خالچانین اوستونده سارایلا بیرلیکده گؤیه قالخدیلار .
گئجه نین بیر عالمینده ننه احمدین اینیلتیسینه اویاندی . گؤردو کی ، اؤز کاسیب کومالاریندادیر . احمدین زاریلتیسی داها برکدن ائشیدیلدی . 
ــ  احمد ، اوغلوم سنه نه اولوب ؟ ـ  دئیه ننه اؤزونو دلی کیمی اوستونه سالدی . احمد یئریندن ترپنه بیلمیردی . ننه سی اونو قوجاقلایاراق هؤنکوروب آغلادی .
ــ بیر دئ گؤروم ، آخی سنه نه اولدو ؟ ! 
احمد گوجله جاواب وئردی : 
ــ  ننه جان ، آیاقلاریم داشا دؤنوب ، یئریمدن ترپَنه بیلمیرم .سئحیرلی اوزویو ده ک
یمسه بارماغیمدان چیخاردیب  آپاریب . تئز شاهانه نی بورا چاغیر . 
ننه جلد شاهانه نی سسلدی . شاهانه ده یوخ ایدی . ننه یئنیدن احمدین یانینا قاییتدی . 
ــ  اوغلوم ، شاهانه ده یوخدور . دئمه لی اونو قاچیردیبلار .
ــ دئمک بورادا خائن الی وار .
ننه چوخ پئشمان اولموشدو. اودورکی ، دونن کی قوناغیندان بیر سؤز دئمیردی . 
احمد سوروشدو : 
ــ ننه جان ، آخشام کیمینله صؤحبت ائدیردین ؟ 
ننه کؤنولسوز ـ کؤنولسوز دئدی : 
ــ آی اوغول ، کیمسه سیز قاری ایدی . دئدیم بیر آخشاملیغا قوناق قالسین .
احمد دئدی : 
ــ هر شئی آیدیندیر . سنین قوناق ائتدییین او قاری  جیم ـ سیم  شاهین باش جادوگری ، کوپه گیرن قاری ایمیش . 
سحر آچیلیب ، دان یئری قیزارماقدا ایدی . مسئله دن کریم له سلیم خبر توتدولار و بو ایشدن چوخ مایوس اولدولار .
کریم دئدی : 
ــ  احمد ، سن فیکیرائلمه . سلیمله  جیم ـ سیم شاهین سارایینا گئدریک . طیلسیملی اوزویو و شاهانه نی گئری قایتاراریق .
احمد اوتاندیغیندان دئمه یه بیر سؤز تاپماییب باشینی آشاغی دیکدی . سلیمله کریم یاراقلانیب یولا دوشدولر .  

https://t.me/Adabiyyatsevanlar