زررین رزندی(طناز)

اَنه شوش شهرده،بی ریا تانیش آختاریرام
قورتولوب قاچماغا،گیوه ایله قالیش آختاریرام

هوندور آرمانلاریمی،ناققا بالیق وئردی سویا
قوراق اندیشه لره،سیسغا یاغیش آختاریرام

سالدیلار باسما قارایا،یاشادیق چوخ خینووا
نئچه ایل حربه ساواش،ایندی باریش آختاریرام

بیر قادین نامینا من،حق حیات ایسته ییرم
"مسکن"،"آزادی"،"چوُرک" داملا باغیش آختاریرام

هامی ائوسیزلره تای،ائوسینه مک خوشلاییرام
بیر کوُهول تیکمک اوچون،شومار-آییش آختاریرام

ایچی بوش وعده ایله(طناز) عوُمور چاتدی باشا
دینج قولاق،میتیل دوُشک،کهنه بالیش آختاریرام.

https://t.me/Adabiyyatsevanlar