علی رشتبری / قاییب
بیتمیر بو حیاتین کدر ایامی‌ده سنسیز،
یوخموش دئیه سن کؤنلومون آرامی‌ده سنسیز.
غم لشکری اوتراق ائله‌ییب شعرلریمده،
آرتیر قلمین دردیله آلامی‌ده سنسیز.
بیلدینمی نه‌لر چکمیشم هیجران آجیسیندان،
درک ائیله‌میشم کوفه ایله شامی‌ده سنسیز.
هر قدری آخیر گؤزلریمین سایخاش آرازی،
کئچمیر داماغیمدان وطنین تامی‌ده سنسیز.
طالعله بو دارتیشمادا اقبالیم اوشاقدی،
قورخوم بودو پیس باغلایا فرجامی‌ده سنسیز.
طبعیم قوشو منزل سالیب احزان ساراییندا،
سورگوندو قاییب‌دان شعیر ایلهامی‌ده سنسیز.
https://t.me/Adabiyyatsevanlar
Post #30697
395
