ناصر داوران

تؤوشه‌یه ـ تۆوشه‌یه
قازانمیشام

سازیمداکی یارانی دا اؤیره‌ندیم
مرمییه جواب اولاراق
اؤلمه‌یی ده
اؤیرنه‌بیلمدیم آنجاق
تۆوشه‌یه ـ تۆوشه‌یه قازاندیغیم سئوگییه
خاطره‌لریم کیمی یاناشماغی.
گؤزومده گیزله میشم گؤزه للیک لرینی
زمان گلیب کئچدیکجه
توخونماسین
بیر شئی اسکیلمسین
میوه‌لی باغیندان.

رؤیالاریمدا شراب گزدیرن
اویسال گؤزلرین
هاچان مشق ائله‌ییب
قوش دیلینده دانیشماغی؟

ایندی شاعرلر شعیر یازاندا
چتینلیک چکیرلر
اوخویا‌بیلمیرلر
آرخائیک لؤوحه‌لری تمثیل ائدن
گؤزلرینده کی کتابی.

سنی خاطره کیمی دوشونمک
گؤی اوزوندن اولدوزو
یالان سؤزلرله آلدادیب
قارانلیق قویودا
دوستاق ائله‌مکدیر.

حیات گره ییم سه
چوره ک ده گره ییم دیر
چراغ دا گره ییم.

https://t.me/Adabiyyatsevanlar