✍️ :ائلمان_موغانلی‌

سن
شعرلر اوچون یارانیبسان
دونیا شاعیرلری هر کس اؤز باخیشیندان
گئجه گوندوز سنه شعرلر یازمیشلار
بیری گؤزلرینه
بیری باخیشینا
بیری بولاق تک آخیشینا ...
آنجاق او سایسیز کیتاب‌لار
گؤزللیگینه‌ ساده‌جه بیر قیراق یازی
و کیمسه متنه گیره بیلمه‌ییب
گؤزللیگین سانکی یئر کوره‌سی
هر شاعیر یالنیز یاشادیغی یئری قلمه چکمیش
و من
هر گون سنی تپه‌دن دیرناغا شئعیرده بیتیرمه‌گه چالیشدیم
آنجاق هر کره
گؤزلرین ایلدیریم تک شاعیرلیگیمی یاندیردی
و‌ گولوشونده شعر یئنی‌دن‌ باشلاندی

https://t.me/Adabiyyatsevanlar