توتقون

غزل توکولور

دویونله ننده قارا قاشلارین غزل تؤکولور،
چالاندا کیپریگینی گؤی گولور، حمل تؤکولور
باخیشلارین اؤپوشنده چالخانیر چاخیر گؤزده،
اوره کده دالغالانان بیر عؤمور امل تؤکولور
دگنده بیر- بیرینه آل دوداقلارین ساناسان،
سوزور قیزیل بویالی رمکدن عسل تؤکولور
یاناقلاریندیر آچیلمیش گؤزل وطن لالاسی،
اوزون مقدس حروف جزل- جزل تؤکولور
بویوندو سرو سهی، ساچلاریندی ولّیلی،
سسینده باخ سنا «ناقص هزج، رمل۱» تؤکولور
پائیزلامیش باغا بنزر دوماندا توتقونا باخ،
عؤمور آغاجی سارالمیش خزل- خزل تؤکولور

۱- بحر مجتث مثمن مخبون محذوف:
(مفاعلن فعلاتن مفاعلن فعلن)

https://t.me/Adabiyyatsevanlar