علی رشتبری"قاییب"

دوغمادی بیر داها او کؤهنه گونش،
انتظار چکمدن گؤزلر یورولدو.
گولمگی اونوتدوق، کدری توتدوق،
کدردن دئمکدن سؤزلر یورولدو.

آلدی اورکلری ظولمتین تینی،
ائکیز تای دوغوردو چتین چتینی.
نه قدر گیزلتسین چیرکین باطنی،
آستاری اؤرتمکدن اوزلر یورولدو.

بونجا سینسیدرمی انسان انسانی ؟
مات قویوب ایچینده بوتون دونیانی،
اوشودو میللتین جانیندا قانی،
اوجاقلار کول اولدو کؤزلر یورولدو.

کیمسه‌نی دوتماییر قاییبین آهی،
ائشیتمیر ناله‌سین  سلطانی شاهی.
بو ظلمه گؤز یومما گؤیون آللاهی!
زمیلر تالاندی دوزلر یورولدو.


https://t.me/Adabiyyatsevanlar