Procrastination

Procrastination - ishni orqaga surish, yoki bir talay ish bo‘lsa-da bekorchilik bilan vaqt o‘tkazish, zamonimizning eng global muammolaridan bo‘lsa kerak. Xossatan, IT sohasidagilarda ham ko‘p uchraydi. Menimcha, procrastinationga xastalik deb qarasak ham bo‘ladi.

Bu xastalikning sabablari turli bo‘lishi mumkin - qattiq charchoq, perfeksionizm, yoki uddalay olmaslikdan qo‘rqish. Buni aniqlash qiyin bo‘lsa-da bundan qutulishning nisbatan oson uslublari bor: 

1. Ishni kichik qadamlarga bo‘ling, har birini bitirganda bir yutuqqa erishgandek bo‘lasiz.

2. Aniq deadline qo‘ying va unga ulgurishga qilishga qattiq harakat qiling.

3. Ish paytida barcha chalg‘ituvchi narsalardan xalos bo‘ling.

4. Youtube shorts, reels, doomscrollingdan o‘ta ehtiyot bo‘ling, bular fokus qila olish qobiliyatiga qattiq zarar beradi.

5. Biror ishni boshlay olmayotgan bo‘lsangiz 5 gacha sanab boshlab keting. Bu holatda miyaga bahonalar o‘ylab topish uchun vaqt qolmaydi. 

“O‘ychi o‘ylagancha tavakkalchi ishini bitiradi” deyishadi-ku, shu gapga hayotiy misollar talaygina. Qaysidir kuchli potensialga ega odam o‘ylab yurgan ishni o‘rtacha, lekin harakatchan inson amalda bajarib yutuqlarga erishganini uchratgan bo‘lsangiz kerak. 

Har ishni vaqtida bajarish - muhim ko‘nikma. Cho‘zilib yurmang, shunda hayotdagi fursatlarni qo‘ldan boy bermaysiz inshaaAlloh.

@abusulaymaan_dev