Abror Musulmonov | Blog

Almaty 🇰🇿 - Toshkentga eng o'xshash bo'lgan shaharlardan biri.

Qozog'istonning hozirgi poytaxti Astana, ammo 1991-yildan 1997-yilgacha Olmaota poytaxt bo'lgan. Keyinchalik poytaxt Astanaga ko'chirildi.

Astanadan keyingi safarimiz Olmaota shahri bo'ylab bo'ldi. Avvaliga Astanaga ketish oldidan, layoverda havosidan nafas olgandim, lekin shaharga chiqmagandim.

Ertalabki reys bilan 4-may kuni airportga yetib keldim va biroz dam olib, mendan oldin kelgan do'stlarimizning apartmentiga jo'nab ketdim.

Borganimda deyarli hamma uxlab yotishgandi, eshikdan yarim soatcha kira olmadim va kutdim. Birozdan so'ng eshikni ochishdi.

Ertalabki nonushtani qilib, buyurtma qilgan boshqa apartmentimizga joylashib oldik, chunki 1 ta xonaga sig'mas edik.

Barcha narsalarni joyiga qo'yib olib, bu yerga kelishimizga asosiy sababchi bo'lgan GITEX AI Kazakhstan konferensiyasiga jo'nab ketdik.

Tadbir bizdagi ICT WEEK UZBEKISTAN kabi edi, faqat ko'proq AI focused edi. Ko'plab odamlar bilan tanishdim.

GITEX'da Tilmoch.ai'ning ham stendi bor edi, Muhammadsaid aka menga jamoaga yordam berishim va loyihani pitch qilishimni tayinladilar.

Asosan 2 kunimiz ushbu konferensiyada networking va loyiha taqdimotlari bilan o'tdi. 5-may kuni kechqurun shaharni aylandik.

6-may kuni wild nature bo'ldi, Almaty o'zi tabiati bilan qiziq edi. Shymbulak Mountain Resortga borishga reja qildik. Va tushlikka yaqin Yandex scooterlarga minib 40 minutlik masofaga yo'lga chiqdik.

Birinchi marta ushbu scooterlarni sinab ko'rishim edi. Avvaliga uncha yoqtirmasdim ammo ancha yaxshi ulov ekan. Lekin e'tibor qilmasa menga o'xshab qaltis burilishda uchib ketish mumkin ekan:).

Shymbulak - bu bizdagi Amirsoy kabi joy edi. Odamlar kanatlarda (cable car) tog' ustiga chiqib borishi mumkin. Biz 2 tasiga ulgurdik, 3-balandlikka chiqish allaqachon to'xtatilgandi. Shunda ham biz dengiz sathidan 2800+ metr balandlikda edik.

So'ngra ortga qaytib tushdik. Kechki payt Sairan Sports Recreation Parkda sayr qilib yana uyga samokatlarda qaytdik.

Va so'nggi kun 7-mayda esa Almatyda random travel qildik, narsalarimizni apartmentdan olib shahar bo'ylab piyoda yurib sayr qildik.

Yakunda Mega Park mallni aylanib, tushlikni shu yerda qilib, kechki paytga yaqin airport tomon yo'lga otlandik, va kechki Qanot Sharqdagi reysimiz bilan jonajon vatanimizga qaytib oldik.

Umuman, 4 kunlik Olmaota🇰🇿dagi safarimizni ko'proq konferensiya va tabiat uyg'unligidagi safar deb atash mumkin edi. Shu shaklda bu yerni ham borgan shaharlarimiz qaydnomasiga qo'shib qo'ydim. Toshkentga juda o'xshash shahar, deyarli Toshkent vibe'ni berib turardi.

Tashkent, Uzbekistan 🇺🇿
28.06.2026

@AbrorMusulmonov

Astana🇰🇿 - men ko'rgan shaharlar ichida urbanizatsiya yuqori bo'lgan shaharlardan biri.

Qozog'iston🇰🇿 poytaxti bo'lmish, Astana nomi ham ushbu davlat tilidan olingan. Ya'ni Astana bu qozoqchada "Poytaxt" ma'nosini bildiradi.

Ushbu galgi safarimiz Astanaga solo travel bo'ldi va yo'l Almaty orqali transfer bilan boshlandi. Almatyda 9 soatlik layoverdan so'ng, ertalab 4 larga yaqin Astanaga uchib ketdim.

Birinchi may kuni airportdagi 2-3 soatlik uyqudan so'ng, 9:00 atrofida Nazarbayev Universiteti tomon yo'lga chiqdim. U yerda meni Fayzulla kutib olib universitetni tour qilib berdi. Va so'ng Nursulton masjidi - Astana Grand Mosquega bordik.

Tushdan so'ng hotelga narsalarimni joylashtirib, 16:00da bu yerga kelish sabab bo'lgan Global Shaper Retreat - Steppe Spirit Leadership Forum 2026 opening ceremony'siga jo'nab ketdim.

Ochilish marosi Tselinograd davridagi eski binolar va Janibek va Keray monumentidan boshlandi. Temirlan ushbu joylarni tarixi va ildizi haqida so'zlab berdi. Kun yakunida shaperlar bilan kechki taom ustida suhbat qurib, kunni yakunladik.

2-may kuni Konferensiyani sessiya qismini boshladik. Unda Global Shapers Astana Hub founderlaridan biri bo'lgan, hozirda Qozog'iston ta'lim vaziri Nurbek Sayasat nutq so'zladi.

Nutqidan bilimli, aqlli va zamon bilan hamnafas rahbarlardan biri ekani bilinib turardi. Men ko'rgan rahbarlar ichida eng yaxshilaridan biri desam adashmayman.

Eng maqul gaplaridan biri, har kuni ertalabgi 2 soatini bilim olish va yangiliklarga sarflashi, yakunda haftada 14, oyda 60 soat bo'lishi haqida edi. Agar nutqni tinglamasdan bu gapni eshitganimda ishonmas edim, ammo nutqdan keyin ishonmaslikni iloji yo'q edi.

Kun davomida boshqa speakerlarni sessiyalari va nutqlarini eshitdik, Networking qildik va kechki taom bilan kunni yakunladik. Global Shapers Astana Hub Curator Aray Serikzhanovaga taklifi va tashkilotchiligi uchun rahmat aytib qolardim.

Va so'ngi kun nomadic tarzda o'tdi. Ertalab Astanadan uncha uzoq bo'lmagan ovuldagi otxonaga bordik. Egasi asli O'zbekistondan bo'lgan Xasan aka edi, ular bilan o'zbekcha gaplashdik.

Otda nomadic lifeni his qilib 1 soatga yaqin sayr qildik. Bu meni birinchi marotaba bu shaklda otga minishim edi. Bundan keyin ko'p minib turaman deb o'zimga vada bergandim, haligacha bajarmadim.

U yerdan chiqib, bizga yo'lboshchilik qilgan UN volunteers coordinatori Nikitani uyida mehmon bo'ldik. So'ng u meni Qozog'iston milliy muzeyiga tashab qo'ydi. U yerni 1 soat aylandim, ancient, turkic va nomadic tarixni yaxshi tasvirlab berarkan.

Kechki 23:00 atrofida reysim borligi uchun, modern Astanani aylanish uchun oxirgi imkon edi. Konferensiyada olgan qog'oz xarita bilan aylanishni vaybi o'ta boshqacha edi.

Xarita bo'ylab Hazrati Sulton Masjidi, Palace of Peace and Reconciliation, Prizdent bog'i va Ishim daryosi bo'ylab yurdim. U yerdan Ak Orda Presidential Palace ko'rinib turardi.

Shundan so'ng Abu-Dhabi plaza(310-metr)ga kelib qoldim. Biroz yurganimda Qozog'iston ramzi bo'lgan Baiterek'ni ko'rish mumkin. Yuqorisiga chiqib ko'rdim, sunset ko'rish uchun arzirdi(2,000 ₸).

Shaharning financial qismi Nurzhol Boulevard shu yerdan boshlanardi. Shu yo'l bo'ylab yurib KazMunayGas binosi arkasidan o'tib, Khan Shatyr mallga bordim. Xuddiki kichik bir o'tov/yurtani katta mall qilib qurishgandek edi.

Jami 5 soatlik piyoda yurishdan so'ng Astanadagi sayohatimni yakunlab airportga jo'nab ketdim.

Xulosa: Astana🇰🇿 zamonaviyligi jihatidan men ko'rgan deyarli barcha shaharlardan binolari jihatdan ustun edi. Lekin narxlar ham shunga yarasha ancha qimmat. Public transportga unchalik chiqa olmadim, sababi to'lov tizimiga ulana olmadim. Qishda kelmanglar, bu yer Sibr darajasida degan fikrlar ham bo'ldi. Umumiy olganda, shahar menga yoqdi, yana qaytib borish imkoni bo'lganda albatta borardim.

Tashkent, Uzbekistan 🇺🇿
27.06.2026

@AbrorMusulmonov