AB PHOTOGRAPHY & GRAPHIC DESIGN

#ጠንካራ_እምነት_ሊመጣ_የሚችለው_የእምነት_ጀግኖች_አባቶቻችንን_የሠሩትን_አብነት_በማድረግ_ነው::

በአባቶች ዘመን ለእያንዳንዷ የሃይማኖት ነጥብ ብሔራዊም ሆነ ዓለም አቀፋዊ ጉባዔያት ይጠሩ ነበር:: በዚህ ጉዳይ ላይ ቅዱሳን ሃይማኖታቸውን እንዲጠበቅ ትክክለኛውን መሠረታዊ ትምህርት እንዲታወቅ ድንቅ የሆነ ሚና ተጫውተዋል::

የሚያገኙት ግላዊ ጥቅም ሣይኖር በግል የሚጎዱበትም ነገር ሳይኖር ምንቸገርኝ ያሉበት አንድም ጊዜ የለም::

ክርስትና ፍቅር ነውና ቅዱሳንም በፍቅር ውስጥ ሥላሉ ሁሉ ነገር ያሳስባቸዋል:: የሌላው ጭንቀት ጭንቀታቸው ችግሩም ችግራቸው ሆኖ ለአንዲት ቤተክርስቲያን ሲሉ ሕይወታቸውን ለመስዋትነት አቅርበው ያለዕረፍትና ያለመሰልቸት ሠርተዋል::

ቅዱሳን ምን ያህል እንደተጋደሉ ግድ ሊሰጠን ይገባል:: ቤተክርስቲያን በእውነትኛ ሃይማኖት ጥላ ስር የተሰበሰቡና ትክክለኛ ትምህርቷን የሚከተሉ ሰዎች ማህበር እንጂ የወገን ወይንም የወገናዊነት መሰባሰቢያ አይደለችም::

በየዘመናቱ ቅዱሳን ሠማዕታት የተሰቃዩበትን የተገረፉበት የተሰየፉበት ምክንያት ሃይማኖት እንጂ ሌላ እንዳልነበር አስተውል::
ይህን ደግሞ #በየገድሎቻቸው ተፅፎ ምስክር ሆኖ እናገኘዋለን::

ለምሳሌ:- ቅዱስ አትናቲዎስን ብንመለከት አራት ጊዜ ከፓትርያርክነት መንበሩ ተሠዷል በጣም አስፈሪ የነበሩ ክሶችን ሲከሰስ ሲፈረድበት ብሎም "አትናቲዎስ አንተን ዓለም ሁሉ ጠልቶሃል " ሲሉት " #እኔም_ዓለምን_ጠልቼዋለሁ " ብሎነበር የመለሰላቸው::

ዛሬ ግን በጋብቻ ወይም በፍቺ ሃይማኖት በቀላሉ ይቀየራል:: በግድ የለሽነት ወይም ባለማወቅ ከቤተክርስቲያን አገልጋዮችና አባላት ባለመስማማት ብቻ ቤተክርስቲያንን ትምህርቷን ጥሎ የሚወጣው እጅግ ብዙ ነው::

ቅዱሳን ለሃይማኖታቸው ምን ያህል እንደተጋደሉ ለእርሱ ግድ አይሰጠውም:: ምክንያቱም ይህ ሁሉ መስዋትነት የተከፈለበት ሃይማኖቱን የሚመለከተው በግድ የለሽነት ነው ያለፈው ተጋድሎ ረስቶ ስለ እምነት ወይም ስለሃይማኖት ልዩነቶች ምንም ማሰብና መጨነቅ አይፈልግም::

#ቅዱሳንን_የናቀ_ያ_ትውልድም_ሆነ_የዛሬው_የተነቀፈ_ነው::

ቅዱሳን በደግነት በጥሩ ምግባር የደረሱበት ከፍተኛ የመንፈሳዊ እድገት ደረጃ አንተን ዛሬ ባለህበት እንዳትታበይ ለሚበልጠው እንድትጥርና እድገትህ እንዲቀጥል የሚያደርግ ነው:: በፊትህ ያለው መንገድ እረጅም ነው:: ነገር ግን የሚሰጥህ ጸጋ በእጅህ ልትቀበለው የቀረበ በመሆኑ ቅዱሳንን እግር በእግር እየተከተልክ በመከራ በፈተና ውስጥ እንኳን ቢሆን በቁርጠኝነት ማለፍ እንድትችል ያበረታሃል::

ስለዚህ የእግዚአብሔር ሰው ሆይ! በነፍስህ ጽናትና እምነት ለመትከል እና የማይናወጥ የማይከፋፈል ክርስቲያን ለመሆን የቅዱሳንን ሕይወት የሚናገሩትን ቅዱሳት መጻህፍት ማንበብ ያስፈልግሃል::

#ገዞ_ወደ_እግዚአብሔር
#በብፁዕ_አቡነ_ሺኖዳ_ሣልሳዊ
ትርጉም #ዲያቆን_ግርማ_ባቱ

ለንባብ እንዲመች ተደርጎ የተወሰደ

#አብይ_የማርያም_ልጅ ነኝ

መልካም ምሽት
@ABPGD @ABPGD @ABPGD @ABPGD
@ABPGD @ABPGD @ABPGD @ABPGD
@ABPGD @ABPGD @ABPGD @ABPGD
@ABPGD @ABPGD @ABPGD @ABPGD