𝐀𝐁 𝐏𝐇𝐎𝐓𝐎𝐆𝐑𝐀𝐏𝐇𝐘 & 𝐆𝐑𝐀𝐏𝐇𝐈𝐂 𝐃𝐄𝐒𝐈𝐆𝐍

#እናንተ_የእየሩሳሌም_ቆነጃጅት_ሆይ_እ_ጥቁር_ነኘ_ነገር_ግን_ውብ_ነኘ

ጥቁር ነኘ የሚለው በተለየ ሁኔታ እንግዳ እና ያልተለመደ ሐረግ ነው፡፡
ይህ ሐረግ ትሑት በሆነች ባልተጠበቀች እና ፀፀት በተሞላበት ነፍስ ማለትም በፍጥነት ኃጢያቶችን እና ድክመቷን ለመናዘዝ እና ድክመቶቿን ለማመን የማያስችል ክብደት ወይም ሐፍረት አይሰማትም፡

ብዙ ሰዎች በጎ ምግባራቸውን ይናገራሉ ድክመታቸውን ለመግለፅ ግነ ያቅታቸዋል፡፡ እውነተኛ ምስሏን ለማንፀባረቅ የተራበች የከበረችና ፃድቅ ነፍስ ፦ኔ ጥቁር ነኘ ለማለት ውርደት እና ክብር ማጣት መስሎ አይሰማትም፡፡

ያለማቋረጥ ስለታላቅነታቸው እና ስለበጎ ምግባራቸው ከሚያወሩ ሰዎች የበለጠ ጨቋኞችና አመፀኞች ማንም ሊኖር አይችልም፡፡ ስህተቶቻቸውን ወይም ድክመቶቻቸውን ሲገለጥባቸው በተከታታይና ያለማቋረጥ የሚከራከሩ ሰዎች ሸክሞችና አስቸጋሪዎች ናቸው፡፡ ስህተቶቻቸውን ለመሸፈንና ለመደበቅ ይሞክራሉ ወደ ውሸትና ወደማጭበርበር ሊዞሩ ይችላሉ፡፡

ይሁንና ግን ድክመቶቿን እኔ ጥቁር ነኘ ስትል የገለፀችው ይህቺ ነፍስ ውብ ናት ፈፅማ ውብ ናት፡፡ በኃጢያቶቼ ምክንያት እኔ ጥቁር ነኘ በድክመቶቼ ምክንያት እኔ ጥቁር ነኘ፡፡ ይሁንና እያንዳንዱን ድክመት በሚሸፍነው በአንተ ፍቅር እኔ ውብ ነኘ ድክመቶቼን እኔ አልሸፍናቸውም እገልጣቸዋለሁ ፍቅርህ ግን ይሸፍነኛል፡፡

ፍቅር ብዙ ኃጢያትን ትሸፍናለች፡፡

ኃጢአቶቿን እና ድክመቶቿን ስትናዘዝ እኔ ጥቁር ነኘ ነገር ግን ውብ ነኘ ለምን አለች? ምክንያቱም ሰብአዊ ፍጡራን ኃጢአቶቻቸውን በተናዘዙበት ቅፅበት ጨለማቸው ይጠፋል ኃጢአትቻቸውን ይረሱላቸዋል፡፡ እግዚአብሔር ያመናችኀቸውን እያንዳንዳቸውን ድክመቶች ያጠፋቸዋል የተናዘዛችኀቸውን ኃጢያቶች ከዚያ በኀላ አያስታውስባችሁም፡፡

በኑዛዜ አማካኘነት ነፍሳችሁ ትነፃለች ትታጠባለች ነጭም ትሆናለች፡፡ ስትናዘዙ እና ጥቁር እንደሆናችሁ ስታምኑ ብቻ ይህን የውበት ደረጃ ታገኛላችሁ፡፡

የሰው ነፍስ ጥፋቶቿን በእግዚአብሔር ፊት እኔ ጥቁር ነኘ በማለት ልትናዘዝ ትችላለች አንተን ብቻ በደልኩ በፊትህም ክፋትን አደረግሁ ዳግመኛም ድክመቶቿን ልታሳውቅ እና በሰዎች ፊት እኔ ጥቁር ነኘ ልትል ትችላለች ይህንንም የምታደርገው እብሪተኛ ጉረኛ ወይም ትዕቢተኛ ላለመሆን ነው፡፡

በውስጧም እንኳን ትዕቢተኛ እና ራሷን ከፍ ያደረገች ላለመሆን ለራሶ ማንነት ጥቁርነቷን ልትናገር እና እኔ ጥቁር ነኘ ልትል ትችላለች፡፡

ይህን በማድረጓ ነፍስ ፀፀት የተሞላባት እና ትሁት ትሆናለች ሰውም በራሱ ዓይን ፃድቅ የመሆንን ግብዝነት ያስወግዳል፡፡ በራሳቸው እይታ ጻድቅ እና ንፁህ የሆኑ ሰዎች ድክመቶቻቸውን ፈፅመው አያምኑም ለእነርሱ እኔ ጥቁር ነኘ ማለት የማይቻል ነው፡፡

ሁለቱም አዳምና ሔዋን በእግዚአብሔር በተጠየቁ ጊዜ ወንጀላቸውን ለመናገር ተቃወሙ ስህተታቸውን ለማመንም አመነቱ፡፡ ከሁለቱ አንዳቸው እንኳን እኔ ጥቁር ነኘ ለማለት የቻለ የለም፡፡

ስለዚህ እኔ ጥቁር ነኘ ነገር ግን ውብ ነኘ ከሚለው ዛሬ መማር የምንችለው የመጀመሪያው ትምህርት ጥፋቶችን ማመንን እና ሀጢያቶችን መናዘዝ ነው፡፡
ይሁንና አንድ ሰው ጻድቅ ሊሆን ቢችልም የተወሰኑ ጥፋቶችን እና ሊናዘዛቸው የሚገቡ ጥቁር ነጥቦች ሊኖሩ እንደሚችሉ እርግጠኛ መሆን ይቻላል፡፡ በተግባሮቼ በፈቃዴ እና በምርጫዬ እኔ ጥቁር ነኘ፡፡

ግን ለሱ ለተናዘዝኩት እያንዳንዷ ብቸኛ ሀጢያት በሚያጠፋው በእግዚአብሔር ውብ ነኘ፡፡

የእግዚአብሔርን ቅድስና በማስተዋል አንድ ሰው የራሱን አደገኛና አስከፊ ድክመቶች ወደመረዳት በእርግጠኘነት ይመጣል፡፡

በየጊዜው ስመረመር በጨለማ ጥቁረት ውስጥ እንዳለሁ እና ገና ምንም ነገር እንዳላገኘሁ ይሰማኛል ፀሀይ መልኬን አክስሎታልና፡፡

አንደ ሰው ራሱን በጽድቅ ጉዳይ ከሌሎች ሰዎች ጋር ሲያነፃፅር እርካታ ሊሰማው ይችላል፡፡ በሌላ በኩል ራሱን ከሐዋርያት ከቅዱሳን ከነቢያት ጋሬ ሲያነፃፅር ምስሉ በእጅጉ ይለወጣል፡፡ በርካታ ጥቁር እድፎችን እና የቆሸሹ ነጥቦች በሕይወቱ ውስጥ ይገለበጣሉ፡፡ ራሱን ከመላዕክት ጋር ሲያነፃፅር ፈጥኖ በውስጡ ያለውን ጥቁረት እና ቆሻሻ ሲገነዘብ ብቻ እናንት የኢየሩሳሌም ቆነጃጅት ሆይ እኔ ጥቁር ነኘ ነገር ግን ውብ ነኘ ፀሀይ መልኬን አክስሎታልና ይላል፡፡
.
.
.
ይቀጥላል