AB POHOTOGRAPHY & GRAPHIC DESIGN

ድርጅታዊ ወይስ አካላዊ???

ጋብቻ የእግዚአብሔር ስርዓት ነው፡፡ እግዚአብሔር ጋብቻን ሲመሰርት ድርጅታዊ አድርጎ ሳይሆን አካላዊ አድርጎ ነው፡፡

ጋብቻ ድርጅታዊ ሲሆንና አካላዊ ሲሆን ልዩነት አለው፡፡

ድርጅታዊ ግንኙነት መዋቅር እንጂ ህይወት የለውም፡፡ አካል ግን የተዋቀረ ህይወት ነው፡፡ ድርጅታዊ ግንኙነት ጥቅም እስከሰጠ ድረስ የሚቀጥል ነው፡፡ አካላዊ ግንኙነት ግን ደካማውን የሚሸከም ነው፡፡ ድርጅታዊ ግንኙነት ሁሉም የራስን ድርሻ ብቻ የሚፈፅምበት ነው፡፡ አካላዊ ግንኙነት ግን የራስን ድርሻ ፈፅሞ ፈፅሞ የሌላውን ማከናወን ነው፡፡ ድርጅታዊ ግንኙነት በጀት እስካለ የሚኖር ነው አካላዊ ግንኙነት በችግር ዘመንም አብሮ የሚካፈል ነው፡፡

ድርጅታዊ ግንኙነት መገማገገም ያለበት ነው አካላዊ ግንኙነት ግን መመካከር ያለበት ነው፡፡ ድርጅታዊ ግንኙነት አንዱ ያንዱ ቁስል የማይሰማው ነው አካላዊ ግንኙነት ግን ሕመም የጋራ ነው፡፡ ድርጅታዊ ግንኙነት ሙያን መስጠት የሚጠይቅ ነው፡፡ አካሌዊ ግንኙነት ግን ራስን መስጠት የሚጠይቅ ነው፡፡ ድርጅታዊ ግንኙነት ትክክለኛ የሀብት ክፍፍል ነው አካላዊ ግንኙነት ግን ሀብትን የናቀ ነው፡፡

ድርጅታዊ ግንኙነት ምን አለው? ይላል አካላዊ ግንኙነት ፍቅር አለ ይላል፡፡ ድርጅታዊ ግንኙነት በጉዳት በጡረታ የሚያበቃ ነው አካላዊ ግንኙነት ግን እስከ ሞት የሚዘልቅ ነው፡፡ ድርጅታዊ ግንኙነት ተጠያቂ ላለመሆን መጠንቀቅ ነው አካላዊ ግንኙነት ግን በጋራ ማስተካከል ነው፡፡

ጋብቻ ድርጅታዊ ሲሆን ጥቅምን ያሰላል የፉክክር ኑሮ ይሆናል በገንዘብ ላይ ይመሰረታል መካሰስ ይበዛበታል ጽንፍ ይይዛል ስለ ሀብት ብቻ ያስባል ምክንያት ፈላጊ ይሆናል፡፡


አካላዊ ሲሆን ደግሞ ምን አገኛለሁ? ሳይሆን ምን እሰጣለሁ? ይላል፡፡ የራሱ ድርሻ ፈፅሞ የሌላ ጉድለት ይሞላል ይሸፍናል ምስጢር ይጠብቃል ይታዘዛል አሳልፎም አይሰጥም ስለመብቱ አይሟገትም ሀብቴ ፍቅር ነው ይላል ከምክንያት በላይ በሆነ ፍቅር ይዋደዳል

#ጉድለትን_አሟልቶ_ያያል_የተሰበረውን_ቃል_ጠግኖ_ይሰማል፡፡


እግዚአብሔር የመሰረተው ወዳጅነት ቤተክርስቲያናዊ ትዳር አካላዊ ነው፡፡
ሕይወትና ደስታ ያለው በአካል ውስጥ ነው


እርሱ አካላዊ ግነኙነት ይጨምርልን፡፡😊🙏😍

@jahABP ነኘ አስተያየታችሁነ አድርሱኘ

@ABPGD @ABPGD @ABPGD
@ABPGD @ABPGD @ABPGD
@ABPGD @ABPGD @ABPGD