Нагадваем пра наш мерч + кнігі ў Празе на гэтых выхадных (адразу ў двух месцах)

На Дні беларускай кнігі а 16.00 адбудзецца прэзентацыя турэмнай творчасці анархістаў

На сёння больш за 25 анархіста:к утрымліваюцца ў беларускіх турмах. Тэрміны некаторых з іх сягаюць ад 10 да 24 гадоў зняволення. Камунікацыя з імі сувора абмежаваная, а пра ўмовы ўтрымання палітічных вязняў мы часцяком даведваемся толькі пасля вызвалення.

У рамках Дня беларускай кнігі будуць прадстаўленыя кнігі, напісаныя беларускімі анархіст:камі, што зараз знаходзяцца ў няволі. Гэтыя выданні даюць нам магчымасць занурыцца ў змрочны свет рэпрэсій, жыцця ў вышуку, гвалту і супрацьстаяння спробам зламаць асобу і выкараніць палітычныя погляды зняволеных. Але гэты свет поўны таксама хвілінак радасці, замілавання ясным небам, цяпла ад атрыманых лістоў і невялічкіх цыдулак ад паплечнікаў, а галоўнае - веры ў сваю праўду і тое, што ўсё не дарэмна ды раней ці пазней скончыцца.