🎮 Darajaga asoslangan o'yinlar (skill-based matchmaking)

3 yil davomida Counter Strike, Shaxmat, va DoTA o'yinlarida ELO(darajam)ni ko'tarishga harakat qildim. Google'ga kirib "darajaga asoslangan o'yinlar" (skill-based matchmaking) haqida unutaman deb o'ylab qattiq adashibman.

Google'da stol tennis o'ynash oson emas. Birinchi ro'yxatdan o'tasiz va sizga boshlang'ich 1000 daraja beriladi. Haftada nechta o'yin o'ynamoqchiligingizni va qachon vaqtingiz borligini kiritganingizdan keyin, tizim avtomatik tarzda sizga raqib topib berib, kalendaringizga o’yinlar qo’yishni boshlaydi. Raqibning darajasi siznikiga juda yaqin. Tizim tanlagan vaqtda tennis o'ynaysiz va natijani tizimga kiritasiz. Yutgan odamning darajasi ko'payadi, yutqazganniki kamayadi.

Shunday qilib 3-5ta o'yindan keyin sizning asl darajangiz aniq bo'ladi va hech qaysi o'yinda, raqibingiz sizdan juda kuchli yoki juda kuchsiz bo'lmaydi. Natijada, qanday darajada bo'lishingizdan qat'iy nazar, siz har bitta o'yinni rohatlanib o'ynaysiz.