🇹🇯🇺🇸 Тоҷикистон ва ИМА масъалаи таъмини бозори кишвар бо маҳсулоти нафтиро баррасӣ карданд

Масъалаи таъмини бозори Тоҷикистон бо маҳсулоти нафтӣ дар меҳвари мулоқоти вазири энергетика ва захираҳои оби кишвар Далер Ҷумъа бо кордори муваққати Сафорати ИМА Карсон Релитс Рокер қарор дошт.

Вохӯрии ҷонибҳо 8 октябр баргузор шуда, зимни он ҳамчунин вазъи ҳамкориҳои Тоҷикистону ИМА ва имкониятҳои рушди минбаъдаи робитаҳо дар бахшҳои энергетика ва захираҳои об баррасӣ гардиданд.

Тавре Вазорати энергетика ва захираҳои оби Тоҷикистон хабар додааст, ҷонибҳо барои идомаи гуфтугӯҳо ва густариши ҳамкориҳои дуҷониба изҳори омодагӣ кардаанд.

Бо вуҷуди ин, дар иттилои расмӣ шарҳи мушаххас дар бораи таъминоти бозори дохилӣ бо маҳсулоти нафтӣ ва эҳтимоли тағйир дар ҳаҷми интиқоли он пешниҳод нашудааст.

📲 Your.tj дар ➡️ Telegram / Facebook / Instagram / TikTok / Threads