🏥 Дар Шамсиддин Шоҳин ду муассисаи нави тиббӣ ба истифода дода шуданд

6 октябр бо иштироки Сарвазири Тоҷикистон Қоҳир Расулзода дар ноҳияи Шамсиддин Шоҳин бинои нави Беморхонаи марказӣ ва маркази саломатӣ ба истифода дода шуд.

Беморхонаи марказӣ аз 3 ошёна иборат буда, дорои 66 кати табобатӣ ва 103 утоқи корӣ мебошад. Маркази саломатӣ бошад, 23 утоқ дошта, барои қабули то 340 бемор дар як баст пешбинӣ шудааст.

Иншоотҳо дар доираи лоиҳаи «Хизматрасониҳои маҷмӯӣ барои модар ва кӯдак» бо маблағгузории Бонки Осиёии рушд ва Ҳукумати Тоҷикистон сохта шудаанд.

Ҳадафи лоиҳа беҳтар намудани сифати хизматрасонии тиббӣ ва дастрасии сокинони ноҳия, бахусус аҳолии деҳоти дурдаст, ба хизматрасониҳои тиббӣ мебошад.

📲 Your.tj дар ➡️ Telegram / Facebook / Instagram / TikTok / Threads