Тоҷикистон дар Бозиҳои осиёӣ соҳиби ду медали тилло шуд

Варзишгарони Тоҷикистон дар Бозиҳои осиёӣ-2026 ду медали тилло ва як нуқра ба даст оварданд.

Дар риштаи муҳорибаҳои омехта Мирзобек Умаров дар вазни то 60 кг намояндаи Узбекистон Фирдавс Отамуродовро бо ҳисоби 3:0 мағлуб карда, медали тиллоро соҳиб шуд.

Отабек Раҷабов низ дар вазни 65 кг бар намояндаи Филиппин Жан Клод Саклаг пирӯз шуда, ба гирифтани медали тилло шарафёб гардид.

Медали нуқраро бошад, Беҳрӯз Хуршедзода дар вазни 71 кг ба даст овард.

Бо ин натиҷа, шумораи медалҳои Тоҷикистон дар Бозиҳои осиёӣ-2026 ба 4 адад — 2 тилло, 1 нуқра ва 1 биринҷӣ расид.

Ин 8-умин медали тиллои Тоҷикистон дар таърихи Бозиҳои осиёӣ ба ҳисоб меравад.

Қаблан Дилшод Назаров (гурзпартоӣ), Ҷаҳон Қурбонов (бокс), Давлат Болтаев (бокс) ва Сомон Маҳмадбеков (ҷудо) барои Тоҷикистон медалҳои тилло ба даст оварда буданд.

📲 Your.tj дар ➡️ Telegram / Facebook / Instagram / TikTok / Threads