البنات سولفوا عن الالعاب الي لعبناها وكمية الونسة والضحك الي ضحكناه
الدرس احسه ما جان بس 40 دقيقة چان كلش طويل لعبنا كل انواع الألعاب ومجموعة الاشخاص العشوائية الي مندمجين سوية احلىٰ شي بالدنيا وكلهم يونسون
بعيدا عن الألعاب اريد اسولف عن شغلات لطيفة بسيطة صارت ما گالوها
الـcrunchy leaves اليابسة الي گعدت اسوي بيها ASMR نفس فيديوهات الانستا وريم وميامين متونسين عالصوت ونسولف عن النباتات وميامين تشرح لريم شنو الدغل ولگينا بطيخ مزروع طالع ورا المدرسة
الصدَفة الحلوة الي شكلها جذبني بالتراب والـSpiral مالتها تخبل واخذتها كتذكار من هاليوم
عصير روانة شگد چان طيّب وكلنا شربنا مدري شلون كفانا بي بركة
الكتابة بالطباشير عالگاع شلون لانا كتبت سينيورز واني كملت عليها ونور وزينب وملك كتبوا اسمائهم ورسمة رقية لـJinx شلون چانت تخبلل والـpose الي سوتها رقية من صورتها ويه الرسمة شگد چانت تضحك
من لاحظت منظر الغيوم شگد حلو وگلتلها لنور باعي هاي Portal للسماء
ومن طبوا علينا الزلم اني اول وحدة شفتهم بس جنت لابسة حجابي بس اباوعلهم كلهم ليش صافنين طلعوا مملاحظين الا من ركضت ميامين
ومن لعبنا لعبة الحبار ورقية چانت الحارس وشايلة الرمح الخشبي وموتتنا ضحك بالطريقة الي چانت تتفاعل بيها من تلاحظ احد يتحرك ويخسر ومن فزنا ونور انطتني حضن يخبل
وريم رسمتلي بالدفتر وتبادلنا المحفظات اني وياها وسوينا unboxing وصورنا بروشاتنا سوية
وما توقعت جنات تتذكرنيي فد فرحت بشوفتهمم
وبآخر درس مريمنا طلّعت المجسمات الصغيرة مالتها وخرطنا ضحك عليهم