Yandex ML School talabalari ML Community xakatoni yetakchilari orasida 🏆

Yandex ML School Uzbekistan talabalaridan iborat uch jamoa ML Community xakatonining top-5 taligidan joy oldi. Ular musobaqada 2-, 3- va 5-o‘rinlarni egalladi.

🧑‍💻 Xakatonda O‘zbekistonning turli hududlaridan jami 35 ta jamoa ishtirok etdi. Musobaqa Kaggle formatida o‘tkazilib, ishtirokchilar jadvalli ma’lumotlar bilan ishladi, modellarni o‘qitdi va natijalar obyektiv sifat metrikalari asosida baholandi. Eng yaxshi jamoalar o‘z yechimlarini hakamlar hay’ati oldida oflayn tarzda ham himoya qildi.

Bunday format nafaqat g‘oya, balki ma’lumotlarni chuqur tahlil qilish, eksperimentlar o‘tkazish va modellarni bosqichma-bosqich takomillashtirishni talab qiladi. Yandex ML School Uzbekistan talabalari ta’limning birinchi semestridanoq aynan shunday amaliy vazifalar ustida ishlab kelmoqda.

Maktab 2025 yilda ish boshlab, mamlakatda mashinali o‘qitish va sun’iy intellekt sohasida mutaxassislar tayyorlashga qaratilgan ilk ta’lim dasturiga aylandi. Ta’lim jarayonida talabalar real ML-keyslar ustida ishlab, o‘z yechimlarini taqdim etish va himoya qilish ko‘nikmalarini rivojlantiradi.

Joriy yil bahorida Yandex ML School Uzbekistan Ochiq eshiklar kunini o‘tkazadi, yoz mavsumida esa yangi qabul boshlanadi.

👉 Batafsil ma’lumotlar