Мінуў роўна месяц ад дня аднаўленьня і прыняцьця Дэкалогу Беларускага Жаўнера. Месяц запеклых баёў, цяжкіх страт і ўзнёслых здабыткаў! Нагадаем, як адбывалася гістарычная містэрыя прыняцьця Дэкалогу.

Мячом і агнём, крывёю і потам мы здабудзем нашую вольную Беларусь.
Бо лепш прыняць сьмерць, чым пагардлівае рабства.

​Да Дэкалогу!

​🔹 1. Ведай, што ты беларус, і гавары ўсюды толькі па-беларуску, бо гэта — твая родная мова, галасы тваіх продкаў, бацькоў і дзядоў.
🔹 2. Шануй гонар і волю Беларусі. Будзь шчырым і непахісным абаронцам сваёй зямлі.
🔹 3. Сьмела ставай супраць кожнага, хто прыходзіць з мячом, каб абрабаваць тваю зямлю і душу.
🔹 4. Ганарыся і будзь шчасьлівы тым, што твая галава асеена сьвятлом Беларускага Нацыянальнага Штандара.
🔹 5. Памятай: тваё шчасьце і воля ўсяго Беларускага Народа — толькі ў тваіх уласных руках.
🔹 6. Будзь самім сабою і трывала кладзі жывы камень у падмурак новае Беларусі.
🔹 7. Шануй тых з чужых народаў, што з павагай і шчырасьцю глядзяць на цябе як на беларуса.
🔹 8. Здрада — гэта найвялікшая гніль і гідасьць, што нішчыць народы; няхай кара за яе будзе такой жа бязлітаснай, як і страшны яе вынік.
🔹 9. Жалезная дысцыпліна і сьвядомасьць кожнага жаўнера — гэта трывалая брама нашай будучай перамогі.
🔹 10. Ад радавога да генэрала — кожны з нас ёсьць гонар сваёй зямлі, шчыт яе незалежнасьці і вольны грамадзянін сваёй Бацькаўшчыны.

​Жыве Беларусь!