🦢 У Гродне знайшлі бусла Яшу, які тры дні блукаў па горадзе.

Яшчэ ў траўні Анатоль Радзівонік выратаваў птушаня, якое было самым слабым у гняздзе. Пасля таго як бусел падужэў, ён вярнуўся ў прыроду, але працягваў штодня прылятаць да свайго выратавальніка.

Пасля знікнення Яшы Анатоль думаў, што той паляцеў на поўдзень, аднак дачка зноў заўважыла бусла ў Гродне. Мужчына паклікаў яго, пачаставаў кормам і забраў дадому.

Цяпер Яша паступова супакойваецца пасля стрэсу, а спецыялісты павінны вызначыць, што рабіць з ім далей. ❤️