«Жеті қарақшы» барлығын қамтығысы келеді: ол бір мезгілде тарихи жоба, комикс, «Жетесіз оңбағандардың» қазақстандық нұсқасы, музыкалық клип, қызық оқиғалы экшен, саяси пікір, Семей полигоны құрбандарына ескерткіш болғысы келеді.

деп жазды киносыншы Ғалия Байжанова жақында прокатқа шыққан Қуаныш Бейсектің ең қымбат фильмі - «Жеті қарақшы» жайлы.

«Жеті қарақшы» – үлкен аудиторияны қамтуды көздеген және Қазақстан тарихындағы ең ауыр оқиға — Семей ядролық полигоны қасіретін сөз ете отырып, жанрларға батыл эксперимент жасаған фильм.

Авторлар оқиғаны үйреншікті тарихи драма тілімен емес, комикс, экшен, поп-мәдениет және балама тарих көмегімен жеткізуді шешіпті.

Киносыншы «Жеті қарақшы» фильміне қояр сұрақ көп болса да, кинотуындының өзі біздің кинематографшылардың шығармашылық эволюциясы үшін құнды деп есептейді.