⚜️Дербен шагьур ве гьер са гъван,
Шегьидар э асирарин.
Ватан бадала Iуьмурар йи,
Игитарин гьунарарин.

Дербен шагьур вун чавуш э,
Каспи хIуьлин къапубурин.
Камаллувел ве яшарин,
Зурба ирф э хье халкьарин.

ЧIал ягIайчин ве цаларис,
Ахъакьас ий лап хIа тарих.
ХIел ягIайчин ве кьутарис,
УхIас ийхин Ватанин ирс.

Душманар вахъ ппара хьуне,
Надир шагьдис джаза йине.
Манголар вун тарг акьуне,
КIил гьава ий вун гъузуне.

Дагъусттандин гуьна багус,
Вакес зурба даях хьуне.
Джуфу-Дагъна Нарын-Къала,
Ватан ухIас дагьар хьуне.

Автор: Салихат Малагусейнова
Фото: Муслимат Гусейнова