Verbarium

Клю́шня / Klušnia / Pincer / Клешня

Канечная частка ножкі рака і ракападобных, якая нагадвае клешчы.

А ракі як мага задзіраюць клюшні ўгору, стараюцца ўхапіць сваімі абцугамі за палец. Ваданосаў.

Шкляр / Šklar / Glazier / Стекольщик

Рабочы, які ўстаўляе шкло.

— Маўчы, майстра! — перапыніла маці Кастуся. — Шкляр гэтакі! Тымі кавалачкамі, што валяюцца на гары, хіба толькі ў хляве акенца затуліш. Рылько.

Пагалóска / Pahałoska / Rumor / Молва

Чуткі, размовы, якія перадаюцца.

Пра Швеца ішла пагалоска, што ён цішком кожны дзень прыкладваецца да чаркі, а на людзях нават не можа глядзець на гарэлку. Гурскі.

Раўналежны / Raŭnaležny / Parallel / Параллельный

Размешчаны ў адным кірунку з чым‑н.; які па ўсёй сваёй даўжыні знаходзіцца на роўнай адлегласці ад чаго‑н.

Тут якраз ішла вялікая грунтавая дарога, раўналежная да шашы. Чорны.

Кóстачка / Kostačka / Ankle / Щиколотка

Сучляненне касцей галёнкі з касцямі ступні, якое выдаецца па баках нагі, шчыкалатка.

Было коўзка, ногі па костачкі грузлі ў гліне. Карпаў.

Рэ́пка / Repka / Kneecap / Коленная чашечка

Надкаленная косць.

Мýлкі / Mułki / Stiff / Жесткий

Які муляе, цвёрды.

Падушка здавалася мулкай, дрэнна ўзбітай, і Мар’яна некалькі разоў папраўляла яе, перакідвала на другі бок. Стаховіч.

Жазлó / Žazło / Staff / Жезл

Асобай формы, звычайна ўпрыгожаная палка, посах, якія служылі сімвалам улады, ганаровага становішча, звання.

Бог падарожжаў і гандлю Гермес у крылатых сандалях, у запыленым плашчы, з жазлом у руцэ глядзіць на вас з нябёсаў. Дайнека.

Сцяблó / Ściabło / Stem / Стебель

Надземная частка травяністай расліны, якая нясе на сабе лісце, кветкі і плады.

Узяўшы кветку, Наташа убачыла, што сцябло зломана. Гарбук.

Разóра / Razora / Furrow / Борозда

Паглыбленне ў выглядзе канаўкі, зробленае плугам або лапатай; прадаўгаватае паглыбленне ў чым‑н.

З дарогі звярнулі Андрэй з Апанасам на поле і ішлі разораю праз маладое жыта. Пестрак.

Аблямóўка / Ablamoŭka / Trim / Оторочка

Абшыўка па краях палоскай з іншага матэрыялу.

Карункавая аблямоўка на каўнерыку надавала сукенцы асаблівы святочны выгляд. ШІ.

Пóдскакам / Podskakam / Skipping / Вприпрыжку

Падскокваючы (бегчы, перамяшчацца).

Дзяўчынка не стала чакаць, пакуль адыдзе аўтобус — пабегла подскакам, на адной назе, далей. Сачанка.

Пóдбегам / Podbieham / At a run / Бегом

Вельмі хутка, падбягаючы (рухацца, перамяшчацца).

Жарнавік хадзіў подбегам, вечна спяшаўся — ці то на вытворчы аб’ект, ці на станцыю. Пестрак.

Абалóнка / Abałonka / Shell / Оболочка

Покрыва ў выглядзе шкарлупіны, скуркі (у пладах), верхні слой чаго-н., покрыўная тканка.

Зямны шар мае цвёрдую абалонку — зямную кару.

Стрэ́мка / Stremka / Splinter / Заноза

Востры, тонкі кавалачак дрэва, асколак шкла, металу, які залез пад скуру.

У пяце была стрэмка, хлопец паспрабаваў выцягнуць яе, ды мізэрны кончык ніяк не даваўся ў пальцы. Быкаў.

Сніць / Śnić / To dream / Видеть сон

Бачыць сон (сны), бачыць у сне.

А ты разважліва стаіш,
Бы нейкі сон дзівосны сніш.
Колас.

Шкéльца / Škielca / Piece of glass / Стеклышко

Асколак або кавалак шкла.

Народ кінуўся за Ганнаю ў завулак, пакідаючы сляды на гарачай, як прысак, зямлі, уціскаючы драбнюткія шкельцы ад пабітых акон у асфальт. Гурскі.

Праця́г / Praciah / Continuation / Продолжение

Тое, што прадаўжаецца; частка чаго‑н., прадаўжэнне.

Доўгая вулачка паміж платамі была працягам гэтай сцежкі. Чорны.

Бляхáр / Blachar / Tinsmith / Жестянщик

Майстар, які вырабляе рэчы з бляхі або крые бляхаю дах.

Страхáр / Strachar / Roofer / Кровельщик

Рабочы, які крые стрэхі.

У нейкую далёкую і невядомую для мяне Ятвезь бацька панёс страхарам грошы. Мы павінны былі ім яшчэ з восені. Яны крылі нашу хату. Адамчык.