🎙«Կարծում ենք, որ մեր նորանշանակ գլխավոր մարզիչ Դմիտրի Գունկոն համապատասխանում է Փյունիկի փիլիսոփայությանը։ Նրա երկարատև փորձը, արձանագրված հաջողությունները Հայաստանի առաջնությունում և հայկական արմատները դարձան հիմնական գործոնները մեր ընտրության հարցում։ Վստահ ենք, որ մարզիչը կտա իր առավելագույնը թիմի նպատակներին հասնելու համար։», - ասել է Սուրեն Բաղդասարյանը «Match TV»-ին։
Սեպտեմբերին Գունկոն հեռացել էր Տուլայի «Արսենալի» գլխավոր մարզչի պաշտոնից, որը զբաղեցնում էր 2020 թվականից։ Ռուսաստանում նա նաև գլխավորել է «Խիմկին» (Մոսկվայի մարզ) և 2006-ից 2020 թվականներին աշխատել Մոսկվայի «Սպարտակի» համակարգում։
Հայաստանի առաջնության ութ տուրից հետո «Փյունիկը» 18 միավորով մրցաշարային աղյուսակում զբաղեցնում է երրորդ հորիզոնականը։