Бу китап — өйләрендә елга бер-ике тапкыр булса да, халкыбызда «Коръән ашлары», дип киң таралган мәҗлесләрне оештырып, мулла-хәзрәт чакырып, аның вәгазен һәм Коръән укыганын тыңлап хозурланган, әмма Коръән кушканча әле яши башламаган кадерле татар милләттәшләребез өчен үгет-нәсыйхәт булсын дидек.
Шулай ук, бу китап — күп еллар диндә, исламда булып, намазларын укып, рузаларын тотып, Аллаһның кушканнарын үтәргә, тыелганнарыннан тыелырга тырышып яшәүче кардәшләребезгә дә бик кирәкле киңәшмә, кулланма һәм дә файдалы бер дәрес булыр, дип өметләнеп калабыз, ин шәә Аллаһ.