⚡️TMKning IPO strategiyasi xalqaro institutsional investorlar e’tiborida

💼 O‘zbekiston texnologik metallar kombinati (TMK) yirik institutsional investorlar bilan hamkorlikni kengaytirish va yangi moliyaviy imkoniyatlarni shakllantirish yo‘lida muhim qadam tashladi.

💠 Toshkentda Citi banki tomonidan O‘zbekiston, Qozog‘iston va Gruziya bo‘yicha tashkil etilgan xalqaro investorlar tashrifi doirasida TMK rahbariyati Buyuk Britaniyaning Schroders investitsiya kompaniyasi, AQShning Sandglass Capital Management investitsiya fondi hamda Citi banki vakillari bilan uchrashdi.

🗣Muzokaralarda xalqaro moliya bozorining yirik ishtirokchilari qatnashdi. Xususan, Buyuk Britaniyaning Schroders kompaniyasi boshqaruvidagi aktivlar hajmi 867,8 milliard funt sterlingni tashkil etadi. AQShning Sandglass Capital Management investitsiya fondi esa rivojlanayotgan bozorlardagi suveren va korporativ qarz qimmatli qog‘ozlariga ixtisoslashgan.

➡️Uchrashuvda TMKning rivojlanish strategiyasi, ishlab chiqarilayotgan mahsulotlar, sanoat quvvatlarini kengaytirish rejalari hamda amalga oshirilayotgan investitsiya loyihalari taqdim etildi. Xorijiy investorlar kombinat loyihalariga qiziqish bildirdilar.

🔵Muzokaralarning asosiy masalalaridan biri TMK aksiyalarini 2028-yilda birlamchi ommaviy joylashtirish (IPO) rejasi bo‘ldi. Shu doirada kompaniyaning xalqaro kredit reytingini olish hamda aksiyalarini fond birjasiga chiqarish istiqbollari muhokama qilindi. Xorijiy investorlar ushbu jarayonlarda amaliy ko‘mak ko‘rsatishga tayyor ekanliklarini bildirib, tomonlar kelgusida hamkorlik va muloqotni davom ettirishga kelishib oldilar.

🫥🫥🫥
✅TMK matbuot xizmati

🌐Web-site |🎰LinkedIn |🌐 X |📷Instagram | 🔵Facebook |🎬Youtube | 🚀Telegram