O‘zbekistonliklar individual reyting-performansda ham yetakchi!

46-Butunjahon shaxmat olimpiadasining 10-turidan so‘ng ikki nafar o‘zbekistonlik shaxmatchi o‘z doskalarida eng yuqori reyting-performans ko‘rsatmoqda.

Nodirbek Abdusattorov — 2900!

O‘zbekiston birinchi terma jamoasi yetakchisi Nodirbek Abdusattorov 10 ta partiyada 8 ochko jamg‘ardi va 2900 reyting-performans qayd etdi. Shu natija bilan Nodirbek 1-doskada barcha shaxmatchilar orasida birinchi o‘rinda turibdi. Uning turnirdagi natijasi: 6 g‘alaba, 4 durang va birorta ham mag‘lubiyat yo‘q.

Asrorjon Omonov — 2976!

O‘zbekiston-3 safida o‘ynayotgan 17 yoshli IM Asrorjon Omonov esa bundan ham yuqori ko‘rsatkich qayd etmoqda — 2976 reyting-performans!

Asrorjon hozirgacha 7 ta partiya o‘tkazib, 7 tasida ham g‘alaba qozondi — 7/7! Uning amaldagi reytingi 2347 bo‘lishiga qaramay, Olimpiadadagi o‘yin darajasi qariyb 3000 reytinglik performansga teng. U 5-doska kategoriyasida reyting-performans bo‘yicha 1-o‘rinda bormoqda.

👋👋👋👋👋👋 👉 Batafsil ma’lumot

YouTube | Instagram | Telegram | Tik-Tok | Facebook | Chesscom | LICHESS | Mobil ilova