Bugun navbatdagi katta sinov: O‘zbekiston – Germaniya!

⚡Bugun, 24-sentabr kuni 46-Butunjahon shaxmat olimpiadasining 8-turida O‘zbekiston terma jamoasi kuchli Germaniya jamoasiga qarshi dona suradi. Uchrashuv Samarqand vaqti bilan 15:00 da boshlanadi. Rasmiy juftlikda aynan shu bahs 1-stolda qayd etilgan.

🔥Germaniya bu Olimpiadada o‘zbekistonlik shaxmatchilar uchun begona raqib emas. Ular avval O‘zbekiston-3 jamoasini 3.5:0.5, keyingi turda esa O‘zbekiston-2 jamoasini 2.5:1.5 hisobida mag‘lub etishdi. Endi esa Germaniya qarshisiga O‘zbekistonning asosiy terma jamoasi chiqadi.

🇩🇪Germaniyaning bu turnirdagi eng katta natijalaridan biri 5-turda qayd etildi: ular turnirning 1-raqamli saralangan jamoasi AQShni 2.5:1.5 hisobida taslim etishdi. Frederik Svane Hans Nimann ustidan g‘alaba qozonib, jamoasiga hal qiluvchi ochkoni olib kelgan edi. Germaniya 6-turda Xitoyga 1:3 hisobida yutqazgan bo‘lsa-da, kecha Turkiyani 3:1 hisobida mag‘lub etib, yana yuqori pog‘onalarga qaytdi.

💪O‘zbekiston esa hozircha mukammal natija bilan ketmoqda — 7 ta tur, 7 ta jamoaviy g‘alaba va 14 ochko! Kecha yigitlarimiz Xitoyni 3:1 hisobida mag‘lub etib, turnirdagi yakka peshqadamligini saqlab qoldi. Germaniya esa 12 jamoaviy ochko bilan eng yaqin ta’qibchilardan biri bo‘lib turibdi.

Yigitlarimizga omad! G‘alabali yurish davom etsin!

👋👋👋👋👋👋 👉 Batafsil ma’lumot

YouTube | Instagram | Telegram | Tik-Tok | Facebook | Chesscom | LICHESS | Mobil ilova