Buxoro mang’it amirlarining ajdodlari va shayboniylar.
Bir qator manbalarning guvohlik berishicha, Ubaydxon zamonida (1533 – 1539/40) Samarqand viloyatining Konigil hududiga Davlat mirzo boshliq bir guruh mang’it va kenagas elatlari joylashishgan. Davlat mirzo Buxoro mang’it amirlari shajarasida qayd etilgan bo’lib, uning ajdodlaridan Jonibiy Shayboqxon zamonidayoq Dasht hududidan ko’chib kelgani taxmin qilinadi. Har holda tadqiqotchi Anke fon Kyugelgenning fikricha ushbu shaxs Ubaydxondan ham avvalroq Samarqandda yashagan. Davlat mirzoning 2 o’g’li Xo’jamberdi va Shaydullohbiy Mirim Shayx Azizonga murid tushib, uning taklifiga asosan hozirgi Qashqadaryoning Chiroqchi hududiga ko’chishadi. Mang’it va kenagas xalqining keyingi qismati aynan Chiroqchi va Shahrisabz hududlariga bog’liq bo’lib, XVIII asr birinchi yarmida shu yerlardan Buxoro xonligida katta nufuz qozongan biylar yetishib chiqadi va mang’it amirlari davlatchiligining asosi quriladi.
@shayboniylarshajarasi
Post #686
298