⭐️ Legionerlarimiz jamoalari bugun maydonga tushadi

Bugun, 17-oktabr kuni xorijda faoliyat yuritayotgan o‘zbekistonlik futbolchilarning jamoalari navbatdagi uchrashuvlarini o‘tkazadi.

🇦🇿 Umarali Rahmonaliyev | «Qabala» – «Sabah» | 17:00

Ozarbayjon Premyer-ligasining 8-turida Umarali Rahmonaliyev faoliyat yuritayotgan «Sabah» safarda «Qabala»ga qarshi maydonga tushadi. Jamoa chempionatdagi so‘nggi uchrashuvida «Neftchi» bilan 0:0 hisobida durang o‘ynagan. «Sabah» 6 ta o‘yindan so‘ng 16 ochko jamg‘argan holda turnir jadvalining 2-pog‘onasida bormoqda.

🇷🇺 Mahmudjon Mahamadjonov | «Dinamo» (Mahachqal’a) – «Akron» | 18:30

Rossiya Premyer-ligasining 11-turida Mahmudjon Mahamadjonov faoliyat yuritayotgan Mahachqal’aning «Dinamo» jamoasi o‘z maydonida «Akron»ni qabul qiladi. Mahachqal’aliklar chempionatdagi so‘nggi uchrashuvida «Orenburg»ga 0:4 hisobida mag‘lub bo‘lgan. Jamoa 12 ochko bilan turnir jadvalining 7-pog‘onasida joylashgan.

🇧🇪 Muhammadali O‘rinboyev | «Heist» – «Antverpen» | 21:30

Belgiya kubogi doirasida Muhammadali O‘rinboyev to‘p tepadigan «Antverpen» safarda «Heist»ga qarshi bahs olib boradi. Jamoa chempionatdagi so‘nggi uchrashuvida «Vesterlo»ga 1:5 hisobida imkoniyatni boy bergan. «Antverpen» 8 ta o‘yindan so‘ng 7 ochko bilan Belgiya chempionatining 13-pog‘onasida bormoqda.

🇬🇧Abduqodir Husanov | «Manchester Siti» – «Ipsvich» | 19:00

Angliya Premyer-ligasining 7-turida Abduqodir Husanov faoliyat yuritayotgan «Manchester Siti» o‘z maydonida «Ipsvich»ni qabul qiladi. «Shaharliklar» chempionatdagi so‘nggi uchrashuvida «Liverpul»ni safarda 3:0 hisobida mag‘lub etgan. Jamoa ayni paytda turnir jadvalida 1-o‘rinni egallab turibdi.

🏦O‘zbek va jahon sportiga oid eng so‘nggi yangiliklar: @Uzasport