🇮🇹 «Yuventus» Kenan Yildiz uchun 150 million yevrogacha talab qilmoqda

Turinning «Yuventus» klubi hujumchisi Kenan Yildizni yaqin kelajakda boshqa jamoaga qo‘yib yuborishni rejalashtirmayapti.

Jurnalist Ekrem Konurning xabar berishicha, Italiya klubi 21 yoshli turkiyalik futbolchisining transferi uchun 120–150 million yevro talab qilishi mumkin.

Kenan Yildizga Yevropaning bir qator yetakchi klublari qiziqish bildirmoqda. Xususan, Madridning «Real» klubi, Myunxenning «Bavariya» jamoasi, shuningdek, Angliyaning «Arsenal» va «Tottenhem» klublari futbolchining holatini kuzatib bormoqda.

«Yuventus» esa o‘zining istiqbolli hujumchisini jamoada saqlab qolish niyatida.

Transfermarkt portali Kenan Yildizning bozor qiymatini 75 million yevroga baholamoqda. Futbolchining Turin klubi bilan amaldagi shartnomasi 2030-yilning yoziga qadar mo‘ljallangan.

🏦O‘zbek va jahon sportiga oid eng so‘nggi yangiliklar: @Uzasport