#xalqaro_hamkorlik | #Rossiya

🇺🇿🇷🇺 Urganch davlat pedagogika institutida xalqaro hamkorlik istiqbollari muhokama qilindi

Bugun Urganch davlat pedagogika instituti rektori v.b., professor Diyorjon Abdullayev boshchiligidagi mas’ullar Rossiya Federatsiyasining Povoljya davlat jismoniy tarbiya, sport va turizm universiteti “Jismoniy tarbiya va sport nazariyasi hamda metodikasi” kafedrasi professori, pedagogika fanlari doktori Zotova Firuza Raxmatullovna bilan uchrashdi.

Muloqot davomida jismoniy tarbiya va sport ta’limi sohasida o‘zaro tajriba almashish, ilg‘or xorijiy tajribalarni o‘rganish, zamonaviy pedagogik yondashuvlarni ta’lim jarayoniga tatbiq etish hamda istiqboldagi hamkorlik yo‘nalishlarini belgilash masalalari muhokama qilindi.

Shuningdek, ikki oliy ta’lim muassasasi o‘rtasida ilmiy-akademik aloqalarni rivojlantirish, qo‘shma ilmiy tadqiqotlarni amalga oshirish, professor-o‘qituvchilar malakasini oshirish hamda xalqaro konferensiyalar va ilmiy-amaliy loyihalarda hamkorlik qilish yuzasidan fikr almashildi.

Mazkur uchrashuv ikki oliy ta’lim muassasasi o‘rtasidagi xalqaro aloqalarni mustahkamlash va o‘zaro manfaatli hamkorlikni yanada rivojlantirishda muhim ahamiyat kasb etadi.

©️Urganch davlat pedagogika instituti matbuot xizmati
🌐 Sayt ✅ Telegram💬Facebook 🌐 Instagram 📹YouTube