Начальнік галоўнага ўпраўлення па адукацыі Мінаблвыканкама Мікалай Башко правёў сустрэчу з навучэнцамі Мінскага абласнога ліцэя

▫️ Штогод яна традыцыйна праводзіцца ў кастрычніку, а да дыялогу запрашаюцца дзесяцікласнікі.

— Ліцэістаў цікавіла, як сёння мяняецца школа, якія прафесіі стануць запатрабаванымі праз 5—10 гадоў, ці патрэбны ў адукацыі штучны інтэлект, — адзначыў Мікалай Башко. — Многа пытанняў тычылася і прафесіі настаўніка.

Новыя падыходы ў сістэме адукацыі, разважанні пра ролю педагога, асабісты вопыт работы ў школе, якімі былі школьныя гады і ўспаміны пра першую настаўніцу — навучэнцаў цікавіла многае, і на ўсе пытанні яны атрымалі разгорнутыя адказы.

— Такія сустрэчы патрэбны не менш, чым урокі, — запэўніў Мікалай Мікалаевіч. — Яны вяртаюць веру ў тое, што мы робім адну вялікую справу.