Уй ҳайвони боқадиганлар, огоҳ бўлинг!

Болага мушукдан замбуруғ юққани айтилмоқда. Уй ҳайвонлари орқали айрим тери касалликлари инсонга ҳам юқиши мумкин.

Агар уйингизда мушук ёки ит боқсангиз, қуйидагиларга амал қилинг:
— Уй ҳайвонини вақтида ветеринар кўригидан ўтказинг.
— Унинг териси ва жунидаги ўзгаришларга эътибор беринг.
— Ҳайвон билан ўйнагандан кейин қўлларни совунлаб ювинг.
— Болаларнинг ҳайвон билан мулоқотини назорат қилинг.
— Ҳайвонда жун тўкилиши, кал доғлар ёки терида яралар пайдо бўлса, уни ветеринарга кўрсатинг.

Агар боланинг бош терисида думалоқ кал доғлар, қичишиш ёки қипиқланиш кузатилса, дерматологга мурожаат қилинг. Замбуруғ касаллигини ўзбошимчалик билан даволашга уринманг.

Уй ҳайвонини яхши кўриш — унинг ва оила аъзоларининг саломатлигига ҳам масъулият билан қарашдир.

👉 @UnchaMuncha