Тошкент шаҳри Мирзо-Улуғбек туманида уйларнинг биринчи қаватидаги деразаларга ўрнатилган панжаралар кадастрга киритилмагани важи билан олиб ташланаётгани ҳақида хабарлар тарқалди. Бу ҳолат аҳоли норозилигига сабаб бўлиб, кўплаб мурожаатлар билдирилди.

Шундан сўнг шаҳар ҳокимлиги муносабат билдириб, дераза панжараларини демонтаж қилиш ишлари тўхтатилганини маълум қилди.

Ҳокимлик баёнотида айтилишича, вазият шаҳар ҳокимлиги назоратида. Ҳодиса сабаблари ва ушбу қарор учун масъул шахслар аниқланмоқда. Шунингдек, мансаб ваколатини суиистеъмол қилиш ва ўзбошимчалик аломатлари бўйича ҳуқуқий баҳо берилмоқда.

Текширув натижаларига кўра, Мирзо-Улуғбек тумани ҳокимлиги томонидан тегишли чоралар кўрилади. Бундай ҳолатлар такрорланмаслиги учун зарур амалий қадамлар ҳам белгиланиши айтилган.

👉 @UnchaMuncha