Xullas, oxirgi marta 3 ta ish alishtirgan bo'lsam, 3 tasida ham bir xil ma'noda tush ko'rganman. Eng qizig'i u ishlar hali chiqmagan edi.

2022-yilda EPAM'da edim. Bir akam bilan ishga tayyorlanib yurgandik, ularga ish qidirayotgan edik, menga emas.
Tush ko'rdim. Aniq va tiniq. Shu akam bilan baliq tutyapmiz. Rosa ko'p urundilar, tutolmadilar. Man esa, bitta qarmoq tashadim-u, tutdim. Tush tugadi.
Shu akam bir-nechta joyga intervyuga kirdi va ishga kirolmadi. Keyin yo'q joydan menga bir kompaniya o'sha paytdagi oyligimdan salkam 2x farq bilan ishga oldi. O'rta darajadagi dasturchi uchun yetarlicha katta oylik edi.
Shunda o'sha tushni esladim. Sababi avval ham boshqa masalalarda shunday tushlar ko'rib turardim.

1 yil o'tib, yana aniq va tiniq tush. Yana baliq. Bu safar baliq juda katta edi. Darrov shu eski tush esimga kelib, hursand bo'ldim 😂 Bir oz muddat o'tib, boshqa lokal kompaniyaga ishga kirdim. Lekin nega bunaqa katta baliq ekanini ishdan ketgunimcha bilmadim. Hozir o'zimcha bilaman. Ishdan ketishimda uy olishimga shu kompaniya katta summa qarashdi. Tushim "to'liq" bo'ldi. So'nggi ishga kirishimdan oldin ham baliqlarni ko'rgan edim 😄. Bu safar biroz kichik, ammo ko'p. Bu 3-marta bir xil ssenariy takrorlanishi edi.

Hozir biror yaqinim boshqa ishga o'tasizmi desa, "hali baliqlarni ko'rmadim" — deb javob beraman. Hazillashib.

Bu holatda shu ishxonalarga kirishni tushlarga qarab qaror qildimmi? Yo'q albatta, aqlni ishlatgan holda qilingan qarorlar edi, Allohni izni bilan. Keyingisida ham albatta bunday "belgi"larga emas, tepadagi postda sanab o'tgan ketma-ketlikka amal qilaman, Xudo xohlasa.

Sizga qiziq bo'ldimi? Sizlarda ham shu kabi voqealar bo'lganmi?

@umar_shares