“Ытарҕалаах” бульвар” бырайыак бастакы түһүмэҕэ түмүктэннэ

🏙 Саҥаттан саҥаны, кэрэттэн кэрэни олоххо киллэрэр, чөл олоҕу уһансар үтүөкэн үлэһит дьонноох Майабыт сэлиэнньэтэ күннэтэ тупсар-киэркэйэр.

⚡️ Бүгүн, алтынньы 15 күнүгэр, “Тупсаҕай куорат эйгэтин үөскэтии” федеральнай бырайыагынан  “Ытарҕалаах” бульвар” бырайыак бастакы түһүмэҕэ түмүктэнэр дьоро күнэ үүннэ.  Бу дойду Бэрэсидьиэнэ Владимир Путин көҕүлээһининэн, “Олоххо аналлаах инфраструктура” национальнай бырайыагынан федеральнай бүддьүөттэн 10 мөлүйүөн 625 тыһыынча солкуобай үбүлэнэри ситиһэн олоххо киирдэ.

🤩🥩 Үөрүүлээх күҥҥэ ас-үөл дьаарбаҥката тэриллэн ыытылынна. Манна Төҥүлүттэн  “Хоту”, Чурапчыттан “Маарыкчаан” тыа хаһаайыстыбатын аһын-үөлүн  оҥорон таһаарар кэпэрэтииптэр, Төҥүлүттэн Маргарита Габышева кэтэх хаһаайыстыбатын, Мооруктан бааһынай хаһаайыстыба салайааччыта Евгений Окороков эмис тыһаҕас этин, Чүүйэттэн Александра, Владислав Смирниковтар саха сүөһүтүн этин, о.д.а.  кэлэн удамыр сыанаҕа олохтоох эти, үүтү, арыыны, оҕуруот астарыттан кэнсиэрбэ, бурдук ас арааһын аҕалбыттарын, дьон-сэргэ махталынан хамаҕатык ылла.

🌳 Үөрүүлээх күнүнэн улуус баһылыгын тутууга солбуйааччыта Василий Филиппов бар-дьонун эҕэрдэлээтэ. Кини улуус сайдыытыгар кылааттарын киллэрэр сэлиэнньэ олохтоохторугар махтанан туран, бырайыак Манчаары аатынан уулуссаҕа тиийэригэр баҕа санаатын тиэртэ. Василий Валерьевич тутууну ыыппыт “Накатс” ХЭТ үлэһиттэригэр махталын этэн туран, улуус баһылыгын Махтал суругун тэрилтэ генеральнай дириэктэригэр Валерьян Кучутовка туттарда. Итини сэргэ, улуус баһылыгын Махтал суруга “Ытарҕалаах” бульвар” бырайыак бастакы түһүмэҕин куоластааһыныгар көхтөөхтүк кыттан саамай элбэх дьону куоластаппыт В.П.Ларионов аатынан орто оскуола 11-с “б” кылааһын оҕолоругар Лилияна Слепцоваҕа (405), Гирьяна Павловаҕа (208), Вилена Цыпандинаҕа (277) үөрүүлээх быһыыга-майгыга туттарылынна.

Сиһилии уонна элбэх хаартысканы БУ СИГЭНЭН киирэн билис ⬅️

@gazetaerkeii
@ulusmedia