🎵 Бүгүн, алтынньы 14 күнүгэр, Р.Г.Васильев аатынан улуустааҕы кыраайы үөрэтэр түмэл уһаайбатыгар истиҥ, иэйиилээх матыыптарынан саха омук кутун туппут биллиилээх ырыа айааччы, РФ Суруналыыстарын сойууһун чилиэнэ, СӨ култууратын үтүөлээх үлэһитэ Виталий Тимофеевич Андросов аатын үйэтитэр өйдөбүнньүк бүүһү арыйар бэлиэ түгэн тосхойдо.
🪗 Олус табыллыбыт өйдөбүнньүгү Виталий Тимофеевич биир дойдулааҕа Маттаҕа олорор скульптор, муостан, тимиртэн уус-уран оҥоһук маастара Аркадий Сивцев чочуйан оҥорбут.
🎤 Киэн туттар, холобур оҥостор биир дойдулаахпытын ахтан ааһар күнү «Туундара», «Маҥнайгы хаар», «Тыыннаах диэн үчүгэйин даҕаны» диэн ааптар биллэр ырыаларын толорон Амма улууһуттан Анна Акимова (баяҥҥа Артем Акимов), Мария Кириллова (баяҥҥа Даниил Алексеев), П.А.Ойуунускай аатынан Судаарыстыбаннай бириэмийэ лаурета, СӨ норуодунай артыыһа Александр Емельянов (баяҥҥа СӨ култууратын туйгуна Георгий Попов доҕуһуоллаан) киэргэттилэр.
🎤 Сиэри ситэрэн, туому толорон
«Ыччат дьонум!
Ырыа – бүппэт олох.
Олох – бүппэт ырыа.
Ырыаны таптааҥ, сайыннарыҥ,
Саха ырыатын –
саха кутун-сүрүн,
Ымыытын – харыстааҥ,
өйөөҥ, өлбөт үйэлээҥ!»,
- диэн Виталий Андросов бэргэн этиитинэн өйдөбүнньүк бүүһүн арыйар чиэс Мэҥэ Хаҥалас улууһун дьокутааттарарын сэбиэбин бэрэссэдээтэлигэр Иннокентий Андросовка, улуустааҕы култуура уонна духуобунай сайдыы управлениетын салайааччытын солбуйааччытыгар Александр Кулешовка, Виталий Тимофеевич оҕолоругар – өрөспүүбүлүкэтээҕи Суһал көмө киинин реанимацияҕа отделениетын сэбиэдиссэйигэр Дмитрий Андросовка уонна юрист идэлээх Прасковья Андросоваҕа бэрилиннэ.
Сиһилии уонна элбэх хаартысканы БУ СИГЭНЭН киирэн билис ⬅️
📲 «Эркээйи» в MAX:
https://max.ru/channel_Erkeii
@gazetaerkeii
@ulusmedia