«Идэ ситимэ – 2026» куонкурус төрдүс төгүлүн ыытылынна

🌈 Бүгүн, блаҕан ыйын 29 күнүгэр, Арассыыйаҕа үөрэх ситимигэр Оскуола иннинээҕи үөрэхтээһин сылыгар, Мэҥэ Хаҥаласка оскуола иннинээҕи үөрэхтээһин 100 сылыгар аналлаах Майатааҕы «Сардаана» оҕону сайыннарар кииҥҥэ «Идэ ситимэ – 2026» куонкурус буолла.

🚸 Үтүө үгэскэ кубулуйбут тэрээһиҥҥэ З.Я.Осипова аатынан Нөөрүктээйитээҕи «Мичээр» оҕону сайыннарар киинтэн Галина Матросова, Лия Скрыбыкина – “Ситис” хамаанда, Харатааҕы «Кэрэчээн» уһуйаантан Анисия Лукина, Саргылана Андросова – “Күрүлгэн” хамаанда, А.В.Чугунов аатынан Мэлдьэхси орто оскуолатыттан Таисия Егорова, Алена Степанова – “Хатыҥчаан” хамаанда, Майатааҕы «Чуораанчык» уһуйаантан Наталья Шарина, Марина Варламова – “Сандаар” хамаанда, Табаҕатааҕы «Кэскил» оҕо саадыттан Анна Романова, Айыына Рафаилова – “Кэскил” хамаанда кыттыыны ыллылар.

🙏 «Бэйэни билиһиннэрии», «Оҕо төрөөбүт тылынан сайдар», «Мин тылым – мин баайым», «Педагогическай мастарыскыай», «Үтүө оонньууллар» түһүмэхтэр түмүктэринэн анал ааттары: «Саҥаны саҕалааччы» “Хатыҥчаан” хамаанда, «Идэҕэ бэринии» “Сандаар” хамаанда, «Айымньылаах дьүөлэрэһии» “Күрүлгэн” хамаанда, «Дьоҕур сатабыл, иэйии» “Кэскил” хамаанда уонна кыайыылаах дипломун “Ситис” хамаанда ыллылар.

Сиһилии уонна элбэх хаартысканы БУ СИГЭНЭН киирэн билсиҥ ⬅️

📲 «Эркээйи» в MAX:
https://max.ru/channel_Erkeii

@gazetaerkeii
@ulusmedia