Вань быремъёсты, сӧсырмыса бертэмъёсты, атай-анайтэк но нылпи дыртэк кылемъёсты буре вайыса….

Поръялоз бубыли. Кырӟа Мария Гроздова, кылъёсыз Галина Алёшиналэн

перевод в комментариях

Поръялоз бубыли возь вылын,
Тюрагай лобалоз лыз инмын.
Оло, со ожгарчи бус-лулъёс,
Кемалась ортчизы лек ожъёс.

Турынэн ӵошкатэм ож сюрес,
Кызьпуэд но будэм палдурес.
Нюрвылэз мур акшан шобыртэ,
Нош кайгу сюлэмез позыртэ.

Кытчы, кыӵе музъем вылъёсы
Тон кылид со шукрес дыръёсы?
Чилектӥз, гудыртӥз йыр вадьсад!
Мар меда вал соку малпанад?

Палэзьпу но жадиз возьмаса,
Някырскиз со, быриз куасьмыса.
Вӧзысьтыз кызьпуэд но пограз,
Сюлэмын уй-нунал тыл гомаз.
Выль садъёс пушйизы котырын,
Уӵыос чирдизы куакъёсын.
Нылкышно сюлэмыз сыномиз,
Кайгыриз со, возьмаз но оскиз.

Кытчы, кыӵе музъем вылъёсы
Тон кылид со шукрес дыръёсы?
Чилектӥз, гудыртӥз йыр вадьсад!
Мар меда вал соку малпанад?


Поръялоз бубыли возь вылын,
Тюрагай лобалоз лыз инмын.
Выль садъёс пушъёзы котырын,
Уӵыос чирдозы куакъёсын.