Aziz ustoz va murabbiylar, Siz azizlarni yurtimizning qutlug‘ ayyomlaridan biri "1-oktyabr – O‘qituvchi va murabbiylar kuni" munosabati bilan, Toshkent viloyati Ichki ishlar bosh boshqarmasi shaxsiy tarkibi va shaxsan o‘zim nomimdan chin qalbdan muborakbod etaman.
Bugungi kunda yosh xodimlarni vatanparvarlik va fidoyilik ruhida tarbiyalash, ularning kasbiy saviyasini yuksaltirish, jamiyatimizda tinchlik va osoyishtalikni ta’minlash jarayonlariga keng jalb etishda ustoz va murabbiylarning xizmatlari beqiyosdir.
Ko‘p yillik faoliyati davomida orttirgan bilim va boy tajribasini yosh avlodga o‘rgatib, ularni kasbga sadoqat, Vatanga muhabbat va yuksak mas’uliyat ruhida tarbiyalash – ustozlarimizning ezgu burchi bo‘lib kelmoqda.
Shu orqali ular nafaqat tizimda olib borilayotgan islohotlarning muvaffaqiyatli ijrosiga, balki Yangi O‘zbekiston taraqqiyotiga ham munosib hissa qo‘shmoqdalar.
Fursatdan foydalanib, Sizlarga mustahkam sog‘liq, xonadonlaringizga tinchlik va farovonlik, mashaqqatli mehnatlaringizda bardavom zafarlar tilayman.
Bayramingiz muborak bo‘lsin, aziz ustoz va murabbiylar!
Abduvosit Abdurazakov,
Toshkent viloyati IIBB boshlig‘i,
polkovnik.
| Telegram | Youtube | Сайт | Instagram |