Men yurtimni sevaman, menga yurtim yoqadi.
Endi menga baribir, kim qanaqa boqadi.

Svet ham ketdi, suv ketdi
Gaz ham yonmas, shukr bor,
Bu dunyoda hech odam
emas mendek baxtiyor.

Narxlar oshsa jilmayib,
Soliqlarga kulaman.
Chap cho’ntakni titishsa,
O’ngin ochib turaman.

Buyuk o’tmish bor, lekin
kelajakdan darak yo’q,
Ha mayli tinch qulog’im, qorin ham deyarli to’q.

Har tong qarab oynaga,
deyman "mening yurtim zo’r".
Osmonlari musaffo, qonunlari ustuvor!
Ko’rolmaslar bor, lekin
men ulardan biri mas.
Muammolar jonimni tikishimga arzimas.

Oson yashay desangiz,
maslahatim olvoling:
O`zingizni ozgina jinnilikka solvoling.
Yashashga emas bizni,
imtixonga tashlabdur.
Pirim o`sha kovushsiz,
devona-i Mashrabdur.

G’am so’zidan o’zimga
shodlik so’zin yasayman
Men shunaqa, yurtimni
Juda sevib yashayman.

Uyda chiroq, gaz va suv yo’qligida ilhomlangan edit. (c) Marhabo Karimova

@trolluz