3 верасня 2025 года ў магілёўскай калоніі памёр палітзняволены Андрэй Паднябенны.

У той дзень пра гэта ў сацсетках паведаміла яго маці. У сваім допісе жанчына напісала, што больш ніхто не зможа здзекавацца з яе сына. ❤️‍🩹 У Андрэя засталося трое дзяцей.

Чарговая смерць палітзняволенага за кратамі сігналізуе грамадству пра страшную цану рэпрэсій і адказнасць дзяржавы за жыццё і здароўе людзей, якія знаходзяцца пад яе поўным кантролем. Кожная такая смерць патрабуе незалежнага і празрыстага расследавання.