Әгәр халык хәтере исән икән – димәк ул үзенең горур статусын торгызачак.
Тарихи хәтер – ул сәяси ихтыярның асылы
Суверенлык – кәгазьдәге язылган сүз генә түгел. Ул, һичшиксез, иреккә сусавы, җанның бәйсезлеккә омтылышы. Аны бер боерык белән дә, бер карар белән дә бастырып булмый. Чөнки ул илаһи принцип. Аллаһы тәгалә тарафыннан безгә бирелгән нигъмәт.
Империяләр мәңгелек түгел – алар барыбер җимерелә.
Ә менә иреккә омтылган, үз сәяси постулатларын формалаштырган халык – яңадан дәүләтен (суверенлык статусын) кора.
Иреккә омтылган милләт барыбер аңа ирешер. Бүгенме, соңмы — эш хәтта анда да түгел. Бәйсезлек, мөстәкыйльлек ул безнең йөрәкләрдә, калебләрдә, каныбызга сеңгән рух!