Міжнародны камітэт па расследаванні катаванняў у Беларусі

Калі вам давялося прайсці праз зняволенне ў Беларусі, паведамляйце праваабаронцам пра ўмовы ўтрымання ў ізалятарах і калоніях, а таксама пра факты гвалту і жорсткага абыходжання з боку сілавікоў і супрацоўнікаў пенітэнцыярнай сістэмы. Кожнае вашае сведчанне дазваляе даведацца больш пра актуальную сітуацыю і становішча іншых палітвязняў, а таксама спрыяе ўстанаўленню асоб, адказных за гэтыя злачынствы.

🔸 Пішыце да нас на паштовую скрыню — contact@torturesbelarus2020.org або ў Telegram — @ICITB2020_contact

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

Нагадваем, што нядаўна намі быў падрыхтаваны аналітычны матэрыял пра Дыскрымінацыю па прыкмеце мовы ў месцах несвабоды ў Беларусі.

Дакумент грунтуецца на дадзеных з дваццаці інтэрв’ю, адабраных з 2 000 сведчанняў, задакументаваных Камітэтам і выразна паказвае, як беларуская мова ў месцах несвабоды стала маркерам палітычнай нелаяльнасці.

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

👩‍🍼 Сёння, 14 кастрычніка, у Беларусі адзначаюць Дзень маці, а 2026 год абвешчаны Годам жанчыны.

Пры гэтым дзяржава працягвае рэпрэсіі ў дачыненні да жанчын і шматдзетных маці, пазбаўляючы іх волі па палітычна матываваных абвінавачваннях, пакідаючы дзяцей без маці і падвяргаючы іх цяжкаму стрэсу.

Маці-палітзняволеных у Беларусі — дзясяткі. Яны ўтрымліваюцца ў няволі ў цяжкіх умовах. Вось адна з такіх гісторый:

Вікторыя Дамастой упершыню была затрыманая КДБ у канцы студзеня 2024 года падчас масавых затрыманняў сваякоў і блізкіх палітзняволеных. Прычына — яна пісала лісты палітвязням і пераводзіла грошы на іх рахункі ў СІЗА-№1.

Падчас ператрусу ў яе канфіскавалі тэхніку і грошы. Пасля вывучэння тэхнікі сілавікі заявілі, што выявілі яе каментары ў сацыяльных сетках. Вікторыю змясцілі ў ізалятар, а пазней асудзілі адразу паводле шасці артыкулаў Крымінальнага кодэкса.

Вікторыі прызначылі чатыры гады пазбаўлення волі. Цяпер яна знаходзіцца ў папраўчай калоніі № 4. На волі яе чакаюць трое непаўналетніх дзяце

Сёння мог быць 56-ы дзень народзінаў палітзняволенага Вітольда Ашурка, які загінуў вясной 2021 года падчас знаходжання ў наваполацкай калоніі №17.

Былы палітвязень Андрэй Аляксандраў зрабіў з гэтай нагоды допіс у Threads:

«Вітольд Ашурак. Сёння яго 56-ы дзень народзінаў, але мы адзначым дату без яго, бо яго забілі ў калоніі 5 год таму. Мы пазнаёміліся на дэбатах, якія ладзілі Naviny. by у 2019-м, і Вітольд прыемна ўразіў мяне сваёй інтэлігентнасцю. Вестка аб яго смерці заспела мяне ў СІЗА №1, і я проста не мог паверыць, што гэткі спакойны і ўраўнаважаны чалавек мог выклікаць да сябе нянавісць і агрэсію. Але садыстам, што адчуваюць сваю беспакаранасць, не трэба асаблівых нагодаў. Мы памятаем. Мы памятаем усё і ўсіх».

🔸 Грамадскае расследаванне пра катаванні і жорсткае абыходжанне ў калоніі №17 можна прачытаць тут

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

🥀 Сёння гадавіна смерці 53-гадовай мінчанкі Алены Амелінай, асуджанай «на суткі» па палітычнаму артыкулу.

У верасні 2021 года Алену Амеліну асудзілі на 15 сутак адміністрацыйнага арышту за рэпост з «экстрэмісцкай» крыніцы. Жанчыну даставілі на Акрэсціна, дзе яна захварэла на COVID-19. Паводле сведчання сукамерніцы, яе стан рэзка пагоршыўся, аднак медыцынская дапамога абмяжоўвалася парацэтамолам і антыбіётыкамі. Пасля ізалятара Алена трапіла ў бальніцу, дзе была падключаная да апарата ШВЛ, і памерла ад наступстваў каранавіруса.

Праваабаронцы звязваюць смерць Алены з бесчалавечнымі ўмовамі ўтрымання і несвоечасова аказанай дапамогай; незалежнага расследавання абставінаў яе смерці не адбылося. Гісторыя Алены Амелінай паказвае, што ў Беларусі нават адміністрацыйны арышт можа стаць пагрозай для жыцця чалавека.

У межах Варшаўскай канферэнцыі АБСЕ па чалавечым вымярэнні 9 кастрычніка сумесна з партнёрамі мы правялі паралельнае мерапрыемства для міжнародных арганізацый і прадстаўнікоў грамадзянскай супольнасці — «Памілаваныя, але не свабодныя: што адбываецца пасля вызвалення беларускіх палітзняволеных».

«Міжнародны камітэт» прадставіў свой новы даклад «Выгнаннікі», заснаваны на 64 інтэрв’ю і 153 задакументаваных гісторыях былых палітзняволеных. Даклад прысвечаны механізму прымусовага выдварэння, лёсам высланых і таму, як дзяржавы-ўдзельніцы могуць дапамагчы людзям, якія апынуліся на іх тэрыторыі без дакументаў.

Памілаванне ў Беларусі спыняе выкананне прысуду, але не пераслед. Менавіта таму вызваленне з-за кратаў яшчэ не азначае поўнага вяртання свабоды.

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

🤬 У калоніі канчаткова страціў зрок палітвязень Вячаслаў Арэшка.

Пра гэта медыя паведаміла сваячка Вячаслава:

«Раней бачыў свет і цень, цяпер ужо і гэтага няма. А пра тое, як гэтаму дае рады, нічога не расказвае, абыходзіць гэтую цяжкую тэму. Наколькі ведаю, баіцца ехаць у шпіталь, бо можа ня вытрымаць этапу»

Беларуска палітолага і актывіста прафсаюза РЭП Вячаслава Арэшку ўтрымліваюць у папраўчай калоніі № 22 («Воўчыя норы»), дзе ён цалкам страціў зрок, не атрымаўшы своечасовай медыцынскай дапамогі.

Таксама паведамляецца, што некалькі дзён таму Вячаслаў даслаў ліст з віншаваннямі з днямі народзінаў унукам і нават сваёй рукой у лісце напісаў некалькі словаў, але амаль нічога з напісанага немагчыма прачытаць.

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

Страх смерці не павінен быць інструментам ціску на чалавека. Пагрозы, інсцэніроўкі і наўмыснае ўтрыманне ў невядомасці з’яўляюцца формамі псіхалагічных катаванняў. У Беларусі, дзе смяротнае пакаранне па-ранейшаму ўжываецца, падобны ціск становіцца асабліва жорсткім.

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

«Міжнародны камітэт па расследаванні катаванняў у Беларусі» працягвае сваю дзейнасць, а нашы дакументатар_кі — плённую працу. 💪 Вырашылі гэтым допісам нагадаць вам пра тое, што нам удалося зрабіць за апошні час:

🔸 Аналітычны матэрыял пра дыскрымінацыю па прыкмеце мовы ў месцах несвабоды.

🔸 Зборнік вершаў палітвязняў у выглядзе самвыдата, які можна спампаваць і раздрукаваць.

🔸 Грамадскае расследаванне пра катаванні і жорсткае абыходжанне ў калоніі №3 «Віцьба».

🔸 Інфармацыйна-аналітычны агляд «Палітычныя забойствы і смерці па віне рэжыму» (Частка 2).

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

Былы палітзняволены журналіст Дзмітрый Сельвеструк распавёў у інтэрв’ю YouTube-праекту Memoriał Polska пра катаванні ў ГУБАЗіК і ўмовы зняволення. Страшна, калі чалавек так спакойна распавядае пра жахлівае стаўленне беларускіх сілавікоў да грамадзян, затрыманых паводле палітычных абвінавачанняў.

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

Калі вам давялося прайсці праз зняволенне ў Беларусі, паведамляйце праваабаронцам пра ўмовы ўтрымання ў ізалятарах і калоніях, а таксама пра факты гвалту і жорсткага абыходжання з боку сілавікоў і супрацоўнікаў пенітэнцыярнай сістэмы. Кожнае вашае сведчанне дазваляе даведацца больш пра актуальную сітуацыю і становішча іншых палітвязняў, а таксама спрыяе ўстанаўленню асоб, адказных за гэтыя злачынствы.

🔸 Пішыце да нас на паштовую скрыню — contact@torturesbelarus2020.org або ў Telegram — @ICITB2020_contact

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

Палітычнага вязня Алеся Здаравеннава на дзень нараджэння змясцілі ў штрафны ізалятар.

Алесь Здаравеннаў сустрэў сваё 47-годдзе (12 верасня) у ШІЗА. Ён дагэтуль знаходзіцца там. Пра гэта паведамілі праваабаронцы «Вясны». Тое самае адбылося з Алесем і ў мінулым годзе. 🤬

Змяшчэнне палітвязняў у ШІЗА застаецца адной з практык дадатковага ціску на людзей, якія ўжо адбываюць пакаранне. Паўторнае змяшчэнне Алеся ў ізалятар у дзень нараджэння можа сведчыць пра мэтанакіраваны характар такога ціску.

Рэчыцкага актывіста Алеся Здаравеннава асудзілі ў 2025 годзе за здраду дзяржаве і садзейнічанне экстрэмісцкай дзейнасці да 10 гадоў калоніі.

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

Беларуская мова — дзяржаўная мова ў Беларусі нароўні з рускай, але сведчанні, задакументаваныя «Міжнародным камітэтам» і «Вясной», паказваюць: у месцах несвабоды выкарыстанне беларускай мовы сістэматычна ўспрымаецца прадстаўнікамі дзяржавы як маркер палітычнай нелаяльнасці і цягне за сабой пагаршэнне абыходжання — ад абраз да збіццяў, змяшчэння ў штрафны ізалятар і пазбаўлення спатканняў ці перадач.

У картках каротка гаворым пра гэта.

🔸 Азнаёміцца цалкам з аналітычным матэрыялам пра Дыскрымінацыю па прыкмеце мовы ў месцах несвабоды ў Беларусі можна тут.

📌 Падтрымаць працу Міжнароднага камітэта:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

«У мяне сэрца баліць за 60-гадовую Вольгу Маёраву. Я асабіста бачыла ў калоніі, у якім стане яна знаходзіцца»

Былая палітзняволеная Вікторыя Кульша нагадала пра цяжкае становішча Вольгі Маёравай, якая ў няволі рызыкуе цалкам страціць свой зрок.💔 Пра гэта яна распавяла праваабаронцам «Вясны».

«Яна пастаянна хадзіла ў сонцаахоўных акулярах у любы час дня. Ёй дыягнаставалі сур'ёзнае захворванне па зроку. Вольга звярнулася да начальніцы медчасткі па дапамогу, але тая яе проста выгнала з кабінета. Мала таго, што ніякая дапамога не аказваецца, дык яшчэ даюць зразумець, што яе стан здароўя нікога не цікавіць. У мяне была вялікая надзея, што яна зараз выйдзе на волю», — кажа Вікторыя.

Яшчэ ў сярэдзіне лютага 2025 года з’явілася інфармацыя, што ў Вольгі Маёравай катаракта, рубцы і пагроза поўнай слепаты. У лячэнні ёй адмаўляюць, а праз статус «тэрарысткі» нават нельга перадаваць для яе лекі. Таксама адзначалася, што ў Вольгі вельмі цяжкі псіхалагічны стан.