🇺🇿 O‘zbekistonlik dasturchi matnlarni yangi lotin yozuviga avtomatik konvertatsiya qiluvchi servis yaratdi

O‘zbekiston Respublikasi Kambag’allikni qisqartirish va Bandlik vazirligi Sun’iy Intellekt bo’limi rahbari Azizullo Temirov bepul open-source Alifbo servisni yaratdi. U o‘zbekcha matnlarni lotin alifbosining yangi variantiga avtomatik ravishda o‘tkazadi. Vosita to‘g‘ridan-to‘g‘ri brauzerda ishlaydi va butun Word hujjatlarini ham konvertatsiya qilish imkonini beradi.

Servis O‘zbekistonning lotin yozuvining yangilangan variantiga o‘tishga tayyorgarligi fonida paydo bo‘ldi. Unda ayrim o‘zbek harflari va birikmalari uchun yangi belgilar qo‘llanadi: oʻ → ö, gʻ → ğ, sh → ş, ch → ç.

Foydalanuvchilar eski hujjatlar, diplomlar, rezyumelar, oilaviy arxivlar, postlar va boshqa matnlarni qo‘lda qayta yozmasdan konvertatsiya qilishlari mumkin.

Loyiha kodi ochiq bo‘lgani sababli tashkilotlar va dasturchilar uni mustaqil o‘rganishlari, o‘z vazifalariga moslashtirishlari, xatolarni tuzatishlari yoki tizimni o‘z infratuzilmasida ishga tushirishlari mumkin. Dasturchilar uchun JavaScript va Python kutubxonalari ham chiqarilgan bo‘lib, ular konvertatsiya funksiyasini o‘z tizimlariga integratsiya qilish va katta arxivlarni avtomatik qayta ishlash imkonini beradi.

👉 Batafsil.
👉 Servis.
👉 Manba kodi.