Ержан Ертаев энергетика вице-министрі болып тағайындалды
Үкімет қаулысымен Ержан Ертаев Қазақстанның энергетика вице-министрі қызметіне тағайындалды.
Ол бұған дейін Энергетика министрлігінің Мемлекеттік энергетикалық қадағалау және бақылау комитетін басқарған. 41 жастағы Ержан Ертаев еңбек жолын электр механигі болып бастаған.
Қазақстанда жол ережесін жүйелі түрде бұзатын жүргізушілер үшін айыппұлдың 50 пайыздық жеңілдігін алып тастау ұсынылды. Бұл туралы премьер-министр Олжас Бектенов мәлімдеді.
Ол ІІМ-ге бірқатар елде қолданылатын балдық жүйені енгізу мүмкіндігін қарастыруды тапсырды. Сонымен қатар қайталанған бұзушылықтар санына қарай айыппұлды бірнеше есе арттыру ұсынылды.
Мәселе жылына 10 және одан да көп құқық бұзушылық жасайтын жүргізушілерге қатысты болуы мүмкін.
Астанада 600 миллион теңгеге үш қабатты элиталық пәтер сатылымға шығарылды.
Амангелді Иманов көшесі, 12 мекенжайындағы 384 шаршы метрлік, 8 бөлмелі пәтердің бастапқы бағасы — 617,4 млн теңге. Алайда тәуелсіз бағалаушылар оның нақты құнын 205,8 млн теңге деп бағалаған.
Пәтер мемлекетке қарызды өтеу аясында өткен. Сауда 22 қыркүйекте басталды.
Граффити үшін жаза тағайындалады – ІІМ жаңа ережелер әзірлеп жатыр
Қазақстанда қоғамдық ғимараттар мен нысандарға жазу мен сурет салуға толық тыйым салу жоспарланып отыр. Сондай-ақ бұл талапты бұзғаны үшін әкімшілік жауапкершілік енгізу ұсынылуда.
“Охотзоопром” Батыс өңірлік филиалының басшысы Арман Қожахметов ұсталды. ҰҚК бұл іске қатысты сотқа дейінгі тергеу жүріп жатқанын растады.
Бұған дейін оның 5 млн теңге пара алу кезінде ұсталғаны туралы ақпарат тараған еді. Ақша кәсіпкерден БҚО-да киік аулауға рұқсат беру үшін талап етілген деген ақпарат болған.
Алайда ҰҚК оның ұсталу мән-жайы мен ақша сомасын нақтыламады.
Қазақстандық каратеші Әсел Қанай Азия ойындарының күміс жүлдесін иеленді.
61 келіге дейінгі салмақ дәрежесінің финалдық жекпе-жегінде 25 жастағы Шымкент тумасы қытайлық Ли Гангқа есе жіберді. Кездесу толық уақытқа созылып, 2:8 есебімен қытайлық спортшының пайдасына аяқталды.
Ақмола облысында бірден екі әкім қызметінен айырылды.
Ақмола облысының әкімі Марат Ахметжанов Степногорск қаласының әкімі Гайдар Қасенов пен Аршалы ауданының әкімі Достанбек Есжановты атқарып келген қызметтерінен босатты.
Әкімдердің қызметтен босатылу себептері хабарланған жоқ.
Қызылорда облысында кәмелетке толмаған спортшы қызға қиянат жасады деп күдікке ілінген бұрынғы хоккей жаттықтырушысы мен оның танысына қатысты қылмыстық істі тергеу аяқталды.
Жәбірленушінің айтуынша, зорлық-зомбылық ол 14 жаста болған 2024 жылдан бері екі жылға жуық уақыт жалғасқан. Қыз бұл туралы туыстарына кейін айтқан. Осыдан соң жаттықтырушы мен оның танысына қатысты іс қозғалды.
Полицияның мәліметінше, тергеу аяқталып, іс материалдарымен танысу кезеңі жүріп жатыр. Ал қыздың 18 жастағы ағасы мен анасы "Адам ұрлау" бабы бойынша тергеуге ілінген. Кәмелетке толмағанға қатысты болғандықтан, полиция істің өзге деректерін жарияламады.
Дональд Трамп АҚШ-та Ғарыш күштерінің үлгісімен «Жасанды интеллект күштерін» құрып, осы салаға жауапты арнайы «патша» тағайындауды жоспарлап отыр.
Трамп ЖИ дамуын барынша аз реттеуді көздейтінін айтты. Жаңа құрылымның құрамы, бюджеті мен қай ведомствоға бағынатыны әзірге белгісіз. «ЖИ патшасы» қызметіне үміткер де аталмады.
How can I read @tengri_kz without a Telegram account?
TGViewer shows the public web preview Telegram publishes for Tengri.kz: recent posts, photos, videos and the subscriber count, with no app, login or account.
How many subscribers does Tengri.kz have?
Tengri.kz (@tengri_kz) has 9.9K subscribers on Telegram, refreshed roughly every 30 minutes.
Does Tengri.kz know I viewed it here?
No. Public channel previews carry no viewer identity, and TGViewer has no accounts or tracking of what you look up.
